Македонија Колумни

Скандалозна противмакедонска провокација токму на Илинден: Во востанието учествувале Албанци, Власи и Бугари, не и Македонци! Албанците беа клучните чинители, па и на Крушевската република?!

„Некои албански историчари дури тврдат дека без Албанците Илинденското востание не можело ни да се замисли!“ – дел од наводите во жестоката и провокативна статија со антимакедонски карактер, која ја објави информативната агенција на албански јазик Илирија-ИНА.

„Албанци, Власи и Бугари се учесници во Илинденското востание. Ова го потврдуваат историчари и документи од познати светски и регионални архиви. Историчарот Неби Дервиши од Струга нагласува дека врз основа на документи од странски архиви главната улога во Илинденското востание ја играле Албанци, Власи и Бугари, додека Македонците не се споменуваат во ниту еден документ.“ – изнесува информативната агенција на албански јазик Илирија-ИНА во својата статија со наслов „Илинденското востание и Албанците“, која претставува не само жестока и скандалозна противмакедонска провокација, временски темпирана не случајно токму на најголемиот македонски празник Илинден, туку е и недозволива негација на македонската државотворност и на револуционерната борба на македонскиот народ во времето на илинденскиот период, па и на Македонија како држава на македонскиот народ!

Во својата статија ИНА изнесува: „Според историчарите, улогата на Албанците и другите во ова востание како да се заборава, препуштајќи им ја на Македонците заслугите на овој дел на историјата главно на Македонците. Фактите за учеството на Албанците во востанието од 2 август може да се најдат во речиси сите документи на бугарското и австроунгарското време, како и во времето на другите.“

„Учеството и придонесот на Албанците во ова востание од локален карактер беше очигледно, не само во подготовката, туку и во учеството. Ова се документира и во законодавните тела, во Големото собрание, кое по 2 август беше избрано со 60 луѓе: со 20 Албанци, 20 Власи и 20 Бугари. Албанците биле дел и од привремената влада на Крушево. Присуството на Албанците е исто така и во привремената Влада на Крушево.“

Историчарот Дервиши: „Албанците беа клучните чинители“

„Историчарот Неби Дервиши вели дека врз основа на документи од странски архиви главната улога во Илинденското востание ја играле Албанци, Власи и Бугари, додека Македонците не се споменуваат во ниту еден документ.“

„Главната цел на востанието била формирање заедничка држава за сите етникуми, што живеат во оваа земја, а не, како што подоцна се трубеше, да се формира држава за македонскиот народ.“ – изјави историчарот Дервиши за ИНА.“

„Без Албанците Илинденското востание немаше да се случи, поради нивниот придонес во ова востание, и покрај фактот дека беше локално и траеше 12 дена. Всушност, Албанците ќе учествуваат и во органите на управување на Републиката, како на пример во Собранието на Крушевската Република, што беше формирано во овој град: од вкупно 60 луѓе, 20 беа Албанци, 20 Власи и 20 Бугари.“ – нагласи познатиот историчар од Струга Дервиши.“

„Според него, улогата на Албанците во ова востание и во она, што следело по него, се покажува и од фактот дека во Владата на Крушевската Република имало 2 православни албански министра.“

„Пјетер Гури бил командант на борбената единица на ова востание. Според сите документи и истражувачи од тоа време, Никола Болјари бил еден од двајцата министрите, а вториот, бил Ѓорѓи Ќаче. Тие се споменуваат како членови на Владата на Крушевската Република.’ – нагласи Дервиши.“

„Историчарот Неби Дервиши вели дека во архивите на Истанбул, Софија и Скопско постојат документи од тоа време, кои можат да ја докажат големата улога на православните Албанци во формирањето на Крушевската Република.“

„Некои албански историчари дури тврдат дека без Албанците, Илинденското востание не можело ни да се замисли и тоа, според нив, било обид за изградба на Република, заснована како држава на сите етникуми!“ – се наведува во оваа жестока и провокативна статија со антимакедонски карактер, нималку случајно временски темпирана да се објави токму на светиот македонски празник Илинден!

Најнови вести од: Македонија Колумни

ВМРО-ДПМНЕ: Знае ли Филипче дека комуникација со бегалец е кривично дело

„Случајно или не, Венко Филипче се фали дека е голем пријател на Зоран Заев и еден од ретките којшто комуницира со Артан Груби, едниот невиден криминалец, а другиот плус и бегалец“, се вели во денешното соопштение на ВМРО-ДПМНЕ. „Филипче можеби не знае, но помагањето на Груби за бегство од правдата, претставува кривично дело. ЈО барем […]

Николовски: СДС е најголемата криминална банда во историјата на Македонија! Ја опустошија и вршеа национални предавства!

„Потребна е голема мобилизација на овие избори. Масовно да се излезе на 19 октомври, да гласаме за број 9 и да победиме уште во првиот круг, за да ѝ ставиме конечен крај на оваа банда.“ – кажа потпретседателот на Владата на Република Македонија и потпретседател на ВМРО ДПМНЕ Александар Николовски во текот на вчерашните обраќања на митинзите во Струмичко.

Мицкоски: Секој миг ги градам темелите на Македонија, кои ги уриваа СДСМ, но ќе им се скинат куферчињата со пари, што ги добиваа за тоа од Бугарија!

„Служејќи им како слуги на нивните политички господари од источниот сосед СДСМ ја разурнаа државата и направија системот да пропаѓа, кои сега мораме да ги градиме од нивните темели. Но нека не создаваат лажна слика на душогрижништво, затоа што темелите на овој дом се составени од надежите, мотивите и жртвата на илјадници луѓе, кои се вградија во тие темели. Целото мое време го посветувам, за да ја кренеме Македонија, ама нека не се залажуваат и нека не помислуваат дека заборавив сѐ, што ѝ направија на државата!“ – им порача претседателот на Владата на Република Македонија и лидер на ВМРО ДПМНЕ Христијан Мицкоски на лидерот на СДСМ Венко Филипче, неговиот гуру Зоран Заев и на нивните сопартијци од вечерашниот митинг во Струмица.

To top