Македонија

Следува ли нов шок за проширувањето на ЕУ, Кос најавува еволуција на моделот

Промената на методологијата за прием на нови членки е како во 90 минута на фудбалски меч да ги менувате правилата на фудбалот

2 минути за читање

Седум години откако на барање на Франција Европската унија воведе нова методологија за проширување за нови членки европската Комесарка за проширување Марта Кос зборува за еволуција на моделот врз основа на кој се врши проемот на нови членки на ЕУ.

Кос оваа порака која внесува вознемир кај земјите кандидатки Кос ја испраќа од Минхен каде на безбедносната конференција имаше средба со претседателот на Азербејџан Илхам Алиев.

,,Додека се подготвуваме за нова безбедносна реалност во Европа, мора да ја зголемиме нашата независност за да ја добиеме контролата врз нашиот континент.

За ова, нашиот модел на проширување на ЕУ треба да еволуира. И да ја премости потребата од решителна акција за да се обезбеди стабилност и времето потребно за кредибилни реформи во нашите земји-кандидатки.

Ова мора да биде усогласено со нови партнерства во нашето соседство. Со Илхам Алиев, претседател на Азербејџан, дебатиравме за тоа како посилната поврзаност ги диверзифицира нашите врски со Блискиот Исток и Азија”, вели Кос во најавата за нова промена на моделот на проширување на ЕУ.

Промената на методологијата за оценка на земјите кандидати во 2019 година и најавата за еволуција на моделот на прием е како во 90 минута на фудбалски меч да ги менувате правилата на спортот за што предходно предупреди и македонската претседателка Гордана Сиљановска-Давкова зборувајќи за потреба од јасни правила кои не треба да се менуваат во од.

Поврзани теми:

шок|топ|промена|Кос|проширување

Повеќе на оваа тема:

Најнови вести од: Македонија

Мицкоски побара од Бугарија, како НАТО-партнер, да ѝ го испорача осудениот Михаилов, баран со потерница, кој се појавува на протести во Софија!

„Ние имаме потерница за тоа лице и очекувам нашите партнери да постапат соодветно на партнерството.“ – рече денеска премиерот Христијан Мицкоски, одговарајќи на новинарско прашање за случајот со Симеон Михаилов. Михаилов е осуден на 12 години затвор во Македонија, но избега пред да ја отслужи казната. Тој сега се појавува на бугарски телевизии и на протести во Софија, од каде што ја брани неговата ќерка Ива Михаилова, на која ѝ се суди во Кочани за сообраќајна несреќа со еден загинат.

Мицкоски: Ќе продолжиме да ги решаваме проблемите на граѓаните, затоа ја добивме довербата од нив!

Претседателот на Владата на Република Македонија Христијан Мицкоски во одговор на новинарско прашање денеска при претставување на „Градскиот воз“ истакна дека и покрај сите предизвици во Европа како наш најголем трговски партнер, сепак трендот на раст на бруто-домашниот производ се очекува да продолжи и оваа година и  да изнесува некаде меѓу 3,5 и 4% проценти.

„Н.М.“: Македонија има причина да биде во Европа, со свој идентитет и јасно дефинирани македонски интереси, но не безусловно!

Исландскиот референдум не треба да биде лекција против Европската Унија, туку лекција за самодоверба во преговорите. Исланѓаните не рекоа: „ЕУ не ни треба“. Тие рекоа: „Ние ќе одлучиме кога, како и под кои услови ќе разговараме за нашата иднина“. Тоа е демократска зрелост. И токму таква зрелост ѝ треба на Македонија. Не да му каже „не“ на Брисел. Но ниту автоматски да кажува „да“ на секое барање. Туку да научи да кажува: „Ова е нашиот интерес. Ова можеме да го прифатиме. За ова можеме да преговараме. А ова не можеме да го прифатиме“. И тоа да го каже аргументирано, мирно и европски. Ова се нагласува во анализата со наслов „Македонија има причина да биде во Европа, но како своја и со својот изворен идентитет и карактер“, која е објавенма денес „Нова Македонија“.

Мицкоски: Македонија е отворена за нови инвестиции и партнерства, кои ќе ја засилат економската соработка со Унгарија

Премиерот на Република Македонија Христијан Мицкоски денеска од Будимпешта порача дека Македонија е отворена за нови инвестиции и партнерства, нагласувајќи дека економската соработка со Унгарија има значителен потенцијал за раст.
Сите вести од Македонија

Најнови вести

To top