Македонија

Според бугарски европратеник, ветото за Македонија во ЕУ не било од Бугарија, ами од Мицкоски?!

Кристијан Вигенин, европратеник од Бугарската социјалистичка партија (БСП), го посочи македонскиот премиер Христијан Мицкоски како причина за блокираната евроинтеграција на Македонија. „Ветото за членството на Република Северна Македонија во Европската унија (ЕУ) е на премиерот Христијан Мицкоски и неговата влада, а не на некој друг во моментов“, изјави Вигенин за Бугарската телеграфска агенција (БТА) во […]

Кристијан Вигенин, европратеник од Бугарската социјалистичка партија (БСП), го посочи македонскиот премиер Христијан Мицкоски како причина за блокираната евроинтеграција на Македонија.

„Ветото за членството на Република Северна Македонија во Европската унија (ЕУ) е на премиерот Христијан Мицкоски и неговата влада, а не на некој друг во моментов“, изјави Вигенин за Бугарската телеграфска агенција (БТА) во кулоарите на Европскиот парламент во Стразбур.

Поранешниот министер за надворешни работи на Бугарија изрази мислење дека Мицкоски „не сака искрено Македонија да биде дел од ЕУ“.

„Мицкоски е горд наследник на претходниот премиер од редовите на ВМРО-ДПМНЕ, Никола Груевски, кој ја користеше истата тактика – да обвини некој друг за земјата да не може цврсто да тргне по патот на европската интеграција“, истакна Вигенин, додавајќи дека вакви интерпретации постојано се прават во Македонија, но Бугарија не става вето.

Аргумент за тоа, според Вигенин, е дека ветото е отфрлено во 2022 година, кога Бугарија дала зелено светло за преговори со Скопје.

„Она што треба да го направат за да го продолжат процесот, што би можело да се случи многу брзо, е да ги вклучат Бугарите не само во преамбулата, туку и во другите членови од Уставот како еден од народите во Северна Македонија“, објасни бугарскиот европратеник.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top