Во организација на Специјална Олимпијада Северна Македонија, во СРЦ МТП Скопје се одржа инклузивниот спортски настан „Спортуваме заедно“,со цел промоција на Unified спортот и инклузивните спортски практики.
Настанот се реализираше во присуство на делегацијата на Специјална Олимпијада Европа Евроазија, предводена од претседателот Свен Албрехт, а меѓу присутните беа и Министерот за спорт, Борко Ристовски и Претседателката на Федерацијата на училишен спорт, Елена Мицковска.
Кратко поздравно обраќање кон присутните имаше Игор Димовски, Спортски Директор во Специјална Олимпијада Северна Македонија, како и Спортскиот Директор во СОЕЕ, Матео Сечи.
Преку заеднички спортски активности, атлетите и Unified партнерите демонстрираа како спортот создава еднакви можности, тимска работа и простор за активно учество за сите.
Посебна благодарност беше упатена до СУГС „Георги Димитров“, како пионер во имплементацијата на Unified Schools програмата во Северна Македонија, до СРЦ МТП за поддршката на настанот, како и до PianoArt International Music Academy за музичката програма.
Од Специјална Олимпијада Северна Македонија истакнаа дека преку ваквите активности продолжуваат да ја промовираат инклузијата и еднаквото учество на лицата со интелектуална попреченост во спортот и заедницата.
