Македонија

Стојаноски: Каква трагикомедија! СДС поднесува 225 амандмани за работи, кои Владата на ВМРО-ДПМНЕ ги направила, или ги прави!

СДС поднесува амандмани за Буџетот за 2027 за работи кои Владата на ВМРО-ДПМНЕ ги направила или ги прави, реагира пратеникот од ВМРО-ДПМНЕ Бојан Стојаноски на прес – конференцијата на Оливер Спасовски од СДСМ.

„Каква трагикомедија! 225 амандмани за она што СДС имаше цели седум години да го направи! Какво жестоко потценување на својот народ. СДС поднеле 225 амандмани на Буџетот за 2027 година, од кои дури 161 се однесуваат на општините. И без исклучок, ама без исклучок сето тоа што го бараат во амандманите или е покачено од Владата на ВМРО-ДПМНЕ или е почнато со реализација. Но, се поставува едно едноставно прашање: Каде бевте и што направивте за овие потреби кога ја имавте власта? Во периодот 2018–2024, низ седумте буџети подготвени во време на СДС биле реализирани расходи (потрошени пари), 30 милијарди евра! 30 МИЛИЈАРДИ. Во сегашната пратеничка група на СДС има: – двајца поранешни премиери, – седум поранешни ресорни министри, – двајца поранешни вицепремиери и – поранешен Претседател на Собранието, при што дел од нив извршувале повеќе функции. Луѓе што не беа само пратеници, туку директно учествуваа во носењето одлуки, управувањето со институциите и подготовката и спроведувањето на буџетите. Денес токму тие бараат дополнителни средства за проблемите кои тие личности ги создадоа. И за кои не направија ништо за да ги решат. Малку срам да имаат. Зошто овие прашања не беа решени тогаш? Кои проекти ги започнаа, кои ги завршија и кои ги оставија нереализирани?“, праша тој.

Според Стојаноски, секој амандман што носи вистинска корист за граѓаните заслужува сериозна расправа.

„Но и седумте години владеење заслужуваат сериозна отчетност! Ова потценување на народот ќе биде уште посилно казнето на наредните избори“, напиша пратеникот на „Фејсбук“.

Најнови вести од: Македонија

(Фото): „Кој ви даде право да нѐ убивате“ – порака од протестот против насилството и фемицидите во Скопје

Насилникот кој ја претепа девојката во Битола в среда излегува од притвор, кажа денеска мајката на девојката, Бети Ангеловска, на протестот пред зградата на Владата во Скопје, во организација на „Ниту една повеќе“.

Во градинка одат помалку од половина од децата во Македонија на возраст до шест години!

„Иако предучилишното образование е важно за раниот развој на децата, во Македонија помалку од половина од најмладите се опфатени со него. УНИЦЕФ предупредува дека до 2032 година треба да се обезбедат уште 19.000 места во градинките за да се достигне националната цел.“ – објави „Плус инфо“.

Одржливиот туризам во фокусот на глобалната агенда: Турција ја предводеше дискусијата на COP31

Преку активностите во рамките на COP31, Министерството за култура и туризам на Турција и Турската агенција за промоција и развој на туризмот имаат цел дополнително да ја зајакнат меѓународната позиција на земјата како дестинација посветена на одржливиот туризам.

„Н.М.“: Компромис со Бугарија не може да се прави со идентитетски прашања! Уставните измени не ја затвораат вратата за нови вета и барања!

„Брисел врши нова форма со нов лик за притисок: генералниот директор за проширување и источно соседство во ЕК Герт Јан Копман е на иста линија со Софија!“ – се нагласува во анализата со наслов „Брисел со нова форма и нов лик за притисок“, која е објавена денеска во весникот „Нова Македонија“.

Николоски: Не е заборавено ниедно населено место! Над 100 милиони денари за инфраструктурата во Валандово, реконструкција и на патот Струмица -Валандово!

Предвидовме финансиска поддршка од околу 100 милиони денари, од кои 65 милиони денари се директно од буџетот на Министерството за транспорт и околу 35 милиони денари преку двата повици за инфраструктурни проекти, истакна заменик претседателот на Владата и министер за транспорт Александар Николоски, при днешената посета на општината Валандово.

Дурмиши: Владата ќе разговара за ограничување на маржите на основните прехранбени производи, ако биде доставен предлог!

На владина седница ќе се разговара за евентуално воведување мерки во однос на цените на основните прехранбени производи доколку секторот што е надлежен за овој сегмент, достави таков предлог. Една од мерките би била ограничување на маржите, рече денеска министерот за економија, Бесар Дурмиши.

Најнови вести

To top