Македонија

(Фото): „Кој ви даде право да нѐ убивате“ – порака од протестот против насилството и фемицидите во Скопје

Насилникот кој ја претепа девојката во Битола в среда излегува од притвор, кажа денеска мајката на девојката, Бети Ангеловска, на протестот пред зградата на Владата во Скопје, во организација на „Ниту една повеќе“.

Со извици „уаааа“, „оставка“, „нема да не снема“ и со голем транспарент „Мал престап жени убива, брат!“ – жени, девојки, но и мажи околу еден час го блокираа булеварот пред седиштето на Владата, по серијата насилства врз девојки, но и големата бројка на фемициди – вкупно седум за една година. За првпат на ваквите протести излезе мајка на девојка што беше жртва на својот партнер, битолчанката Бети Ангеловска, која обелодени дека нејзината ќерка повеќе од една година била тепана, трпела закани за убиство, била давена и задушувана.

Насилникот ѝ избега на полицијата преку прозорец, за по неколку дена да биде фатен, но му одредиле осум дена притвор. Ангеловска предупреди дека в среда насилникот излегува на слобода, па ги повика институциите да преземат нешто, во спротивно таа самата „ќе преземе мерки“.

  • Го молам министерот за внатрешни работи, го молам Јавното обвинителство. Телефоните се земени на вештачење, во нив има снимки, видеа, материјали на кои се гледа дека е претепана. Ме лазат морници при самата помисла на тие слики од моето девојче. Јас ја израснав сама, 21 година, нема да дозволам никој да ми го уништи девојчето – рече Ангеловска.

Пред Владата имаше поставено огромен транспарент „Женски надзор“, на кој речиси сите девојки и учесници напишаа по нешто. Една од највпечатливите пораки беше: „Од нејзината утроба се родивте, нејзината светост ја заборавивте!“ Неформална граѓанска иницијатива „Ниту една повеќе!“ најави протести за следната недела.

Најнови вести од: Македонија

Стојаноски: Каква трагикомедија! СДС поднесува 225 амандмани за работи, кои Владата на ВМРО-ДПМНЕ ги направила, или ги прави!

СДС поднесува амандмани за Буџетот за 2027 за работи кои Владата на ВМРО-ДПМНЕ ги направила или ги прави, реагира пратеникот од ВМРО-ДПМНЕ Бојан Стојаноски на прес – конференцијата на Оливер Спасовски од СДСМ.

Во градинка одат помалку од половина од децата во Македонија на возраст до шест години!

„Иако предучилишното образование е важно за раниот развој на децата, во Македонија помалку од половина од најмладите се опфатени со него. УНИЦЕФ предупредува дека до 2032 година треба да се обезбедат уште 19.000 места во градинките за да се достигне националната цел.“ – објави „Плус инфо“.

Одржливиот туризам во фокусот на глобалната агенда: Турција ја предводеше дискусијата на COP31

Преку активностите во рамките на COP31, Министерството за култура и туризам на Турција и Турската агенција за промоција и развој на туризмот имаат цел дополнително да ја зајакнат меѓународната позиција на земјата како дестинација посветена на одржливиот туризам.

„Н.М.“: Компромис со Бугарија не може да се прави со идентитетски прашања! Уставните измени не ја затвораат вратата за нови вета и барања!

„Брисел врши нова форма со нов лик за притисок: генералниот директор за проширување и источно соседство во ЕК Герт Јан Копман е на иста линија со Софија!“ – се нагласува во анализата со наслов „Брисел со нова форма и нов лик за притисок“, која е објавена денеска во весникот „Нова Македонија“.

Николоски: Не е заборавено ниедно населено место! Над 100 милиони денари за инфраструктурата во Валандово, реконструкција и на патот Струмица -Валандово!

Предвидовме финансиска поддршка од околу 100 милиони денари, од кои 65 милиони денари се директно од буџетот на Министерството за транспорт и околу 35 милиони денари преку двата повици за инфраструктурни проекти, истакна заменик претседателот на Владата и министер за транспорт Александар Николоски, при днешената посета на општината Валандово.

Дурмиши: Владата ќе разговара за ограничување на маржите на основните прехранбени производи, ако биде доставен предлог!

На владина седница ќе се разговара за евентуално воведување мерки во однос на цените на основните прехранбени производи доколку секторот што е надлежен за овој сегмент, достави таков предлог. Една од мерките би била ограничување на маржите, рече денеска министерот за економија, Бесар Дурмиши.

Најнови вести

To top