Учениците не смеат да внесуваат чипс, смоки и обоени сокови, а трипати неделно училиштето им обезбедува свежо овошје, дознава МКД.МК.
Во соработка со пекари е направено и мени со јогурт, печива и други оброци. Од пијалаците се дозволени вода, млеко и домашни сокови.
„Целта е поздрава комуникација без електронски уреди, за да се намали зависноста од нив и да се поттикнат вистинското дружење и непосредната комуникација“, вели директорот Дејан Здравков.
Одлуката е поддржана од Наставничкиот совет, Училишниот одбор и Советот на родители. Според Здравков, по една недела новите правила веќе даваат резултати.