Германската компанија „Кромберг и Шуберт“, ќе донесе нови 2.000 работни места и производство на делови за германскиот автомобилски гигант „Ауди“, најави премиерот Христијан Мицкоски.
„ Денеска, ќе соопштиме уште една голема и значајна вест за македонската економија – нова инвестиција на германската компанија „Кромберг и Шуберт“, нови 2.000 работни места и производство на делови за германскиот автомобилски гигант „Ауди“. Ова е важна вест за нашата економија, но уште поважна за граѓаните бидејќи зад секое ново работно место стои нова можност, поголема сигурност за семејствата, нова надеж и подобар живот – напиша Мицкоски на својот фејсбук-профил.