Македонија

Суви чешми, скапи совети – Мерко на стружани им порача сами да си купат хидрофори

Мерко им продава памет на стружани

3 минути за читање

Шеснаесет години удобно сместен во градоначалничката фотеља, Рамиз Мерко со прст не мрда да се реши деценискиот проблем со водоснабдувањето, за сега да им продава памет на стружани. Ако сакале да имаат вода, да си набавеле хидрофори.Ова дополнително ги разгневи присутните на состанокот на Советот за превенција,кој помина без присуство на медиумите, бидејќи не беа информирани.

“Градоначалникот ни рече да си набавиме хидрофор или да чекаме да заврне. Прво тоа чини најмалку 2000 евра,пари кои треба да ги вложиме за да имаме вода што ја плаќаме. Нека стават од Водовод на нивна сметка ”-пишуваат стружани на социјалните мрежи.

  Откако мудрувал на состанокот,Мерко мртов ладен отишол да промовира противпожарно возило со скали, фотографирајќи се зад воланот,насмеан од уво до уво.На првиот човек на струшки “Водовод” на кому пак уште му е лето,му било страв стружани да не го испијат езерото.Затоа не постапувал по примерот на  Охрид,каде потребите од водоснабдување меѓудругото,се задоволуваат и со испумпување на вода од Охридско.

“Не можеме да речеме дека не е сеуште лето, пошто сеуште е лето изворите ми се празни.Ако немам рестрикции стварно нема да има градот вода да не се лажеме дека можело од езеро.Не може да се земе од езеро вода да падне нивото на езерото пошто знаете дека Унеско нема да дозволи такво нешто. Ова е голем проект во кој што мора државата да постапи и општината, јас сам не сум способен да го завршам тоа.Не е моја надлежност, не можам” – вели Дашмир Насуфи,директор на Ј.П.” Водовод “

Освен по неспособноста да се справат со тековните проблеми ова претпријатие е познато и по превработеност,недомаќинско работење, расфрлањето со пари и големите долгови кои ги таложи во континуитет-реагираат од ВМРО ДПМНЕ.

“Неспособноста се воочува со тоа што претпријатието признава дека успева да наплати нешто над 30% од вкупната пуштена вода во системот, нема пријава ниту за една хаварија на системот за снабдување од трети лица, ниту има пријавено каква било кражба на вода или нејзино нерационално користење. Само во последниот мандат на овој состав на локалната самоуправа, “Водовод”  има генерирано долгови во висина над 2.500.000 евра” велат ВМРО ДПМНЕ –Струга.

И додека од Водовод уверуваат дека од идната недела ќе почнеле да ги менуваат азбесните цевки за барем малку да се подобри водоснабдувањето, стружани кои живеат на погорните катови и денес немале вода.На цела мака,ним единствено не им недостасува хумор:вода има,ама чешмите имале проблем со простатата, затоа ќе излеземе на дождот да се бањаме-пишуваат шеговитите стружани.

Поврзани теми:

Мерко|граѓани|црна листа|мандати|ДУИ|градоначалник|струга|вода

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.
Сите вести од Македонија

Најнови вести

To top