Оние што ја напуштија Алијанса за Албанците не мислат на народот, туку се заинтересирани само за власта, порача лидерот на АА, Арбен Таравари на вчерашната средба со греѓани на Куманово.
За случувањата во редовите на АА и околу одлуката на пратеничката Мимоза Муса да продолжи како член на коалицијата БРЕДИ, Таравари изјави дека „ние ја почитуваме секоја одлука, секој има свое убедување како да постапи“.
„По заминувањето на оние кои беа заинтересирани само за власт, Алијансата за Албанците ќе расте силно и ќе стане водечка политичка сила во иднина“, изјави Таравари.
Таравари нагласи дека партијата сега е почиста, бидејќи според него, оние што ја напуштиле АА не мислеле на народот.
„Оние што си заминаа не мислеа на народот, туку само на своите места. Некои од нив дури имаа и комуникациски канали со ДУИ“, додаде тој, алудирајќи на внатрешнополитичка чистка во партијата.
Инаку крилото на Алијанса за Албанците со кое раководи Таравари моментално функционира само со тројца пратеници, откако пратеничката Мимоза Муса се дистанцираше од АА и изјави дека ќе остане дел од коалицијата ВРЕДИ во владата.