Македонија

Тричковски повикан во полиција на информативен разговор по контроверзен коментар на социјалните медиуми

Коментари на Фејсбук

2 минути за читање

Новинарот Бранко Тричковски вечерва беше повикан на информативен разговор во Полициската станица Лисиче поради коментар објавен на неговиот профил на Фејсбук, за кој полицијата соопшти дека има добиено пријави и реакции од јавноста. Како што самиот Тричковски објави на Фејсбук, околу 13 часот двајца полициски службеници дошле на неговата адреса и му врачиле покана да се јави „веднаш“ кај надлежни инспектори.

Според неговиот пост, полицијата го известила дека интересот е поврзан со содржина од еден од неговите коментари на Фејсбук, кој предизвикал „бурни реакции“ на интернет. Тој го наведе и точниот дел од коментарот што ги вознемирил корисниците:

(Фотографијата е преземена од ФБ профилот и постот е јавно достапен)

„Најголем предизборен штос би направиле кога во куферот би го напикале распарчаното тело на Христијан!“
…
„Христијан е општо име за манипуланти кои шират атмосфера на страв и несигурност…“

Тричковски во својот јавен статус објасни дека очекувал такви реакции и дека коментарот бил намерна „јадица“ насочена кон партиски структури.

Во објавениот текст се потсетува на претходни провокативни и вознемирувачки објави на Тричковски на социјалните мрежи — меѓу кои и постови од 2019 и 2020 година со навреди или симболички повици на насилство упатени кон јавни личности — поради кои во минатото имало реакции и пријави до надлежните органи. Според достапните информации, против него во некои наврати биле покренати постапки, но до денес нема евидентирана правосилна пресуда за говор на омраза или закани.

Полицијата констатира дека повикот за информативен разговор е резултат на пријави од граѓани поради содржината објавена на социјалните мрежи и дека презема дејствија за утврдување на сите околности. Од надлежните институции засега нема дополнителни официјални информации објавени за конкретните правни квалификации кои би биле применети по завршување на разговорот и документите.

Во меѓувреме, јавната расправа за границите меѓу слободата на говорот, провокацијата во политичката реторика и кривично-правната одговорност повторно е отворена и предизвикува реакции кај дел од јавноста и медиумските здруженија, објави Плус инфо.

Поврзани теми:

Бранко Тричковски|информативен разговор|мвр|актуелно|полиција|новинар|навреди|социјални медиуми|закани|коментар

Повеќе на оваа тема:

Најнови вести од: Македонија

Манасиевски: За СДС и Филипче уставните измени се последниот чекор кон ЕУ, а Радев вели дека и по нив Бугарија ќе други барања!

„СДС и Филипче со рејтинг од само 4 отсто, знаејќи дека во Македонија никој не ги поддржува, ниту им дава на значење, се свртија да одработуваат за странски држави и странски партии. Но, СДС и Филипче треба повеќе да работат за Македонија, отколку да кодошат во Бугарија.“ – нагласува Валентин Манасиевски од Централниот комиет на ВМРО ДПМНЕ во денешното обраќање кон јавноста.

„Н.М“: „Волкот“ Радев, за кого македонскиот е само норма на бугарскиот јазик, го менува крзното, но не и политиката кон Македонија!

„Поканата што македонскиот премиер Христијан Мицкоски му ја упати на новиот бугарски премиер Румен Радев е дипломатски висококоректен потег. Државите разговараат и тогаш кога не се согласуваат. Но дали со доаѓањето на Радев во извршната власт во Софија може да се очекува промена во бугарската политика кон Македонија, или само продолжување на една стратегија што со години произведува блокади, понижувања и негирања? Во 2020 година Радев порача дека „историјата и јазикот не можат да бидат предмет на политички компромис“, практично ставајќи до знаење дека Софија нема намера да го признае македонскиот јазик како посебен историски и национален факт. Во повеќе наврати бугарската политичка елита, предводена токму од Радев, тврдеше дека македонскиот јазик е само „норма на бугарскиот. Дали Радев ќе се откаже од политиката на постојани условувања? Дали ќе престане со реториката што го проблематизира македонскиот идентитет? Дали ќе прифати дека европската иднина на Македонија не може да зависи од историски толкувања? Досега нема ниту еден сериозен сигнал дека навистина постои таков пресврт.“ – се наведува во анализата со наслов „Волкот Радев го менува крзното, но не и политиката кон Македонија“, која е објавена денес во весникот „Нова Македонија“.

Гане Тодоровски: Ој, Македонијо, колку ли уште ни треба, за да те домакедончиме!

„Живите треба да живеат, мртвите ќе починуваат… / Ој, Македонијо, науми почит кои мртвите, / збери ги коските на своите закубеници, / коските Мисирковите, коските Цепенковите, /коските Ѓорче Петровите, / прибери ги во Скопје, / покpaj Гоцевите, покрај најсветите, / и крени крај нив паметник / на неродениот Македонец — Ој, Македонијо, / колку ли уште ни треба / за да те домакедончиме!“ – испеа Гане Тодоровски за Македонија во својата песна „Фуснота без повод“, која е дел од стихозбирката „Горчливи голтки непремолк“ од 1970 година. Овој великан на македонскиот национален идентитет, на македонската книжевност е роден на денешен ден, на 11 мај 1929 година во велешкото село Кожле. Тој е еден од најзначајните македонски поети, академици и интелектуалци. Со своето богато творештво и силен родољубив дух Тодоровски втисна длабока, неизбришлива трага во македонската книжевност, култура и национална мисла.

Општина Аеродром казни фирма со 20 илјади евра, поради незаконско фрлање отпад! -Камионџијата фатен „на дело“ на дивата депонија!

Изминатите неколку дена при вонреден инспекциски надзор во Долно Лисиче во општината, на месноста „Купишта“, затекнат е камион кој незаконски одлагал отпад од градежен шут, спротивно на Законот за управување со отпад. Од страна на општинскиот инспекторат е е изречена глоба од 20 илјади евра во денарска противвредност за правното лице, поради сторениот прекршок, согласно со овој закон.  Издаден е и прекршочен платен налог.

Литургија на македонски, бараат Македонците од Грција

Каде што живеат етнички Македонци литургиите да се изведуваат на мајчин македонски јазик и со азбуката на Свети Кирил и Методиј и при крштевки и постхумни спомнувања да се користата традициолани македонски имиња
Сите вести од Македонија

Најнови вести

To top