СВР Тетово информира дека е уапсен 47-годишен маж поради закани кон родителите.
По неговото апсење вчера, потврдено е присуство на алкохол во крвта.
„На 05.04.2026 година во 13:30 часот во Тетово, полициски службеници го лишиле од слобода лицето О.С. (47) од Тетово. Претходно, во 12:40 часот во Полициската станица Тетово, неговиот 76-годишен татко пријавил дека подолг период тој и неговата сопруга се жртви на семејно насилство од нивниот син“.
„Според пријавата, О.С., во пијана состојба, секојдневно кршел предмети во куќата и упатувал сериозни закани по нивниот живот. По лишувањето од слобода, на О.С. му биле измерени 2,14 промили алкохол во крвта и бил задржан во полициската станица за понатамошна постапка, додека по документирање на случајот ќе биде поднесен соодветен извештај“, велат од Полициската станица Тетово.