Македонија Хроника

Уапсен убиецот кој застрела колега-студент во Штип

Уапсен е турскиот државјанин кој вчера извади пиштол и уби друго лице во Штип, извести Основното обвинителство во Штип. Од ОЈО Штип велат дека е најден и пиштолот. „Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент е лишено од слобода. Пронајдено е и […]

Уапсен е турскиот државјанин кој вчера извади пиштол и уби друго лице во Штип, извести Основното обвинителство во Штип.

Од ОЈО Штип велат дека е најден и пиштолот.

„Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент е лишено од слобода. Пронајдено е и оружјето. Во текот на денот ќе следи постапка“, велат од Обвинитeлството.

Дваесет и пет годишниот Е.О, странски државјанин, е убиен синоќа во угостителскиот објект „Вами“ на Градскиот плоштад во Штип, потврдија од Клиничка болница-Штип.

Во болницата е донесен без знаци на живот, со неколку прострелни рани. Јавниот обвинител во текот на ноќта издаваше повеќе насоки и наредби за пронаоѓање на сторителот кој е во бегство.

ОД МВР го потврдија апсењето.

„По преземени мерки и активности, при што бил употребен и дрон, во близина на наплатна рампа Миладиновци, полициски службеници од слобода ги лишиле К.К.(21) од Република Турција зa кој постои сомнение дека е сторител на делото, како и А.Х.(22), Т.М.(22), О.М.(29) и А.О.(28), сите од Република Турција, поради сомнение дека му помогнале на К.К. да побегне од местото.

Имено, во 22.15 часот на наплатната рампа Миладиновци, во заедничка акција на СВР Штип, СВР Скопје и сообраќајната полиција, било запрено патничко возило „бмв” со штипски регистарски ознаки, во кое биле  А.Х., Т.М., О.М. и А.О., при што А.Х. се дал во бегство, а другите лица биле лишени од слобода. Набргу, по преземени мерки, тој и сторителот К.К. биле пронајдени и лишени од слобода. Сите лица биле задржани во полициска станица и по целосно документирање на случајот во координација со јавен обвинител, против нив ќе бидат поднесени соодветни пријави“, соопшти МВР.

Најнови вести од: Македонија Хроника

Поддршка на украинскиот министер Кулеба за кандидатурата на Османи за Чаир! – Мешање во внатрешните работи на Македонија, или манипулација на Османи?!

Зошто става Бујар Османи „меѓународни карти“ во локален изборен натпревар, за прв човек на една општина, на Чаир? Но и зошто министер за надворешни работи на една држава – Украина си дозволува да се меша во внатрешни работи на друга суверена држава – Македонија, поддржувајќи кандидат на партија за освојување позиција градоначалник во општина, или Кулеба несвесно упаднал во „манипулативната стапица“ на Бујар Османи, за да го стави и да го злоупотреби и него во својата предизборна кампања?!

Ахмети: Ако сакавме да ја поделиме Македонија, тоа ќе го сторевме во 2001

Претседателот на Демократската унија за интеграција, Али Ахмети, во својот говор во Чаир, се осврна на тврдењата на одредени политичари дека Албанците наводно сакаат да ја поделат Македонија.

Муцунски: Проширувањето на ЕУ не смее да биде заложник на билатерални спорови или прашања на идентитет

„Веруваме во дијалог и во компромис кога тој е правичен и заемен. Пред сè, веруваме во визијата за обединета, стабилна и просперитетна Европа со Западниот Балкан во нејзиното јадро.“ – став на министерот за надворешни работи на Република Македонија Тимчо Муцунски во Блед пред министрите за надворешни работи од Западниот Балкан и специјалните пратеници за проширување на Европската Унија.

„Фол“: Раскол во ДУИ во Теарце, Тетовско: оставки на претседателот на подогранокот во Одри Џелили и членот на огранокот Зибери

Одлуката на Али Ахмети и претседателството на ДУИ кој да биде кандидиран на локалните избори за претседател на селската општина Теарце, во тетовскиот регион, предизвика многубројни незадоволства во огранокот на ДУИ во Теарце во тетовскиот регион. – јавуваат албанските медиуми.

Неделков: Изминатите пет години платите на просветните работници се зголемени за 70%

Од јануари месец 2020 година, кога почнавме со 10 проценти зголемување, до оваа година во март месец кога имавме зголемување од седум проценти, кумулативно сите овие години зголемувањето изнесува 70 проценти.

Најнови вести

To top