Македонија

Убава вест: Крај за договорите на дело во државните институции – работниците ќе добијат вработување на неопределено време

Лицата ангажирани со договор на дело и други видови договори во дел од јавниот сектор ќе добијат можност за вработување на неопределено време, со законско решение што предвидува фазна трансформација на нивните ангажмани.

Илјадници лица ангажирани во јавниот сектор кои со години работат со договори на дело, авторски договори или преку агенции за привремени вработувања во локалната администрација, јавните претпријатија, културните установи и здравството, се на чекор до добивање редовен работен однос на неопределено време. Со новиот Предлог-закон за трансформација во редовен работен однос се предвидува воспоставување на јасни правила за решавање на статусот на оваа категорија граѓани, кои со години ги извршуваат своите обврски и придонесуваат за функционирањето на институциите, но живеат во постојана економска и правна несигурност.

Пратеникот од ВМРО-ДПМНЕ, Бојан Стојаноски, на прес-конференција истакна дека со предложениот закон се решава долгогодишен проблем на луѓето кои со години работат во институциите без сигурност за својата работна иднина. Институциите опфатени со законот ќе имаат рок од 90 дена од неговото стапување во сила да ги склучат договорите или да ги донесат решенијата за вработување. За најмногу 50 проценти од опфатените лица трансформацијата ќе стапи во сила веднаш, додека за останатите крајниот рок е 31 декември 2027 година.

 

Предложеното решение наметнува прецизни обврски и рокови за раководителите на институциите. Сите органи на државната власт, локалната самоуправа, јавните установи од областа на здравството, културата, социјалната заштита, како и фондовите и заводите, ќе имаат рок од 90 дена од стапувањето во сила на законот за да ги донесат решенијата за вработување. Процесот ќе се реализира фазно, при што за најмалку 50 проценти од опфатените лица трансформацијата ќе стапи во сила веднаш, а за преостанатите најдоцна до 31 декември 2027 година. Законот предвидува и заштитен механизам според кој институциите нема да смеат да ги раскинуваат договорите на опфатените лица додека трае постапката, освен во случаи на сериозна повреда на работните обврски.

Хронологијата на македонското законодавство покажува дека ова не е прв обид за масовно регулирање на статусот на хонорарните работници преку посебно законско решение. Речиси идентичен правен преседан државата донесе и во февруари 2015 година, кога исто така се примени модел со фазна имплементација и рок од три месеци за распишување на решенијата. Сепак, клучната разлика во новиот предлог се однесува на идните заштитни механизми кои треба да спречат повторно натрупување на фиктивни хонорарци во администрацијата. Додека во 2015 година идниот ангажман на лица со договори на дело беше строго ограничен на само 1 процент од вкупниот број вработени со закана од затворски казни за раководителите, новото решение е пофлексибилно и дозволува лимит до 10 проценти по 1 јануари 2028 година, но воведува прекршочни глоби за директорите во износ од 250 до 500 евра.

Од опфатот на овој закон сепак остануваат изземени неколку клучни сектори во државата. Правата за трансформација нема да важат за акционерските друштва, воениот и цивилниот персонал во Армијата, вработените во Министерството за внатрешни работи, Агенцијата за национална безбедност, финансиската полиција, како и кадарот во основните, средните училишта, високообразовните установи и студентските домови. За сите останати установи, клучниот филтер ќе биде во рацете на Министерството за финансии, кое ќе има обврска да ја контролира документацијата и да издава финални согласности единствено доколку се исполнети законските услови и доколку трансформациите се во согласност со расположливите буџетски средства на самите институции.

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top