Македонија

Денес низ цела Македонија се прославува Успението на Пресвета Богородица – Голема Богородица, празникот на спасението и вечниот живот

Денешниов празник на Пресвета Богородица Христова, вознесена жива на небото, испраќа порака до луѓето дека смртта е, всушност, чин на животот, оти смрт не постои, туку само вечен живот.

2 минути за читање

Православните верници денеска, на 28 август, го прославуваат празникот Успение на Пресвета Богородица, во народот познат како Голема Богородица. Според црковното предание, Пресвета Богородица по завршувањето на својот земен живот не останала во гробот, туку со тело и душа била вознесена на небото. Затоа верниците со голема почит и радост го празнуваат овој ден, кој е симбол на надежта за вечен живот.

Пред празникот верниците се подготвуваа со двонеделен Богородичен пост, кој завршува со светата литургија и причестување. Денес црквите и манастирите посветени на Богородица се преполни со народ, кој се собира да искаже благодарност и да побара нејзино молитвено застапништво, закрилништво и благослов. Празникот е и голем соборен ден: на многу места ширум Македонија денеска се одржуваат црковно-народни собири, а Богородичините манастири се меѓу најпосетените светилишта. Во македонската традиција Голема Богородица има посебно значење и се смета како заштитничка на жените, на мајките и на семејниот живот. Многу семејства токму овој празник го чествуваат како своја семејна слава.


Православната Црква го означува земниот крај на Пресвета Богородица и нејзината смрт како „Успение“ – поим, што ги содржи во себе сонот, блаженството, мирот, спокојството и радоста. Ликот на Богомајката Христова објавува бескрајно спасение, сострадалност, грижа и смирение, чистота и убавина, бескрајна љубов кон човечкиот род. Денешниов празник Успение на Пресвета Богородица, вознесена жива на небото, испраќа порака до луѓето дека смртта е всушност чин на животот, оти смрт не постои, туку само вечен живот.

Овој настан – Успение на Пресвета Богородица – кој се случил пред речиси две илјади години, уште еднаш и денес ја пренесува една таквата порака. Православната црква го гледа во Успението на Богородица нејзиниот вечен живот и нејзиното воскресение. „Ние ја гледаме смртта и тоа што се случило за време на таа смрт не како разделба, туку како соединување, не како жалост, туку како радост и конечно, не како смрт, туку како живот. И после Рождеството – Дева и по смртта – жива.“ – се пее во Успенскиот тропар, посветен на Богородица – Дева Марија.

Поврзани теми:

Македонија|празник|православна црква|вознесение|Успение на Пресвета Богородица|вечен живот

Повеќе на оваа тема:

Најнови вести од: Македонија

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.

Денес се одбележуваат великото дело и личноста на Свети Наум Охридски, еден од основоположниците на македонската и сесловенската писменост (1)

Денес Македонската православна црква – Охридска Архиепископија и сиот македонски народ, не само оние, кои се православни христијански верници, го одбележуваат црковно-народниот празник, посветен на личноста и великото дело на Свети Наум Охридски – Чудотворец, еден од основоположниците на македонската и сесловенската писменост и просвета, заедно со светите браќа Кирил и Методиј, како и со Св. Климент. Свети Наум Охридски останува запаметен како исцелител и просветител на македонскиот народ, но како и заштитник на манастирот „Св. Наум“ во Охрид. Охридската книжевна школа, како најстара средновековна македонска книжевна школа, е формирана во 886 година од Свети Климент Охридски. Во 893 година на Климент му се придружува Свети Наум Охридски, откако Климент е назначен како епископ. Во рамките на Охридската книжевна школа биле обучени повеќе од 3.500 ученици и таа одиграла клучна улога во описменувањето, како и во ширењето на македонската и словенската писменост и култура.
Сите вести од Македонија

Најнови вести

To top