Македонија

Валчев за неуспехот во ЕП: Видовме дека земја-кандидат може да добие многу подобар третман

Бугарскиот европратеник Ивајло Валчев, поднесувач на амандманот за „модерен“ пред „македонски јазик и идентитет“ во извештајот на Европскиот парламент за напредокот на Македонија, не престанува да жали за неуспехот да се наметне волјата на неговата земја-членка на Европската унија против соседот-кандидат. „Видовме дека позицијата на земја-членка не ни гарантира прифаќање на нашиот став. Во моментов, […]

2 минути за читање

Бугарскиот европратеник Ивајло Валчев, поднесувач на амандманот за „модерен“ пред „македонски јазик и идентитет“ во извештајот на Европскиот парламент за напредокот на Македонија, не престанува да жали за неуспехот да се наметне волјата на неговата земја-членка на Европската унија против соседот-кандидат.

„Видовме дека позицијата на земја-членка не ни гарантира прифаќање на нашиот став. Во моментов, гледаме дека земја-кандидат може да добие многу подобар третман, додека нашата земја се третира како да сме ние тие што мора да попуштат и да добијат помалку отколку што сакаат за своите позиции. Работите се измешани долго време“, се пожали Валчев пред Бугарската телевизија (БТВ).

„Огромен број од нашите амандмани не беа вклучени за време на работата на извештајот, кога едно мнозинство што се формираше во рамките на групата што работеше на извештајот едноставно ги уништи. Не обвинуваме, туку го констатираме фактот дека РСМ успеа да ги привлече унгарските европратеници од партијата Патриоти за Европа на своја страна во овој момент. Не можеме да ги обвинуваме другите земји за поставување одредени цели, работа кон нив и нивно постигнување. Големото прашање е што прави нашата земја, што правела во минатото и што ќе прави во иднина за да има иста моќ и да се фали со истиот успех“, додаде членот на ЕП од Има таков народ на Слави Трифонов.

Поврзани теми:

Македонија|Европски парламент|извештај|БТВ|Ивајло Валчев

Повеќе на оваа тема:

Најнови вести од: Македонија

Уништени, или оштетени над 45 од 112 новопоставени столбови за зимска маркација од Попова Шапка до Титов Врв – ги сечеле со брусилка!

Повеќе од 45 од вкупно 112 поставени столбови се уништени, оштетени или отстранети. Причинета е голема финансиска штета, но последиците би можеле да бидат многу посериозни, информираат од Здружение за Одржлив Развој САТ – Скопје. Зимската маркација била поставувана во периодот од ноември 2025 година до крајот на јули 2026 година, со учество на повеќе од 25 локални волонтери и мали бизниси од општините Тетово и Боговиње, кои во исклучително тешки планински услови вложиле значителен број работни часови во транспортот, подготовката и поставувањето на опремата. Штетата се проценува на најмалку 8.000 евра.

Претседателката на Македонија Силјановска-Давкова во Таранто со поддршка за македонската делегација, најбројна досега на Медитеранските игри

Италијанскиот град Таранто од денеска е центарот на медитеранскиот спорт, а меѓу знамињата на земјите учеснички е и македонското. Македонската делегација вчера пристигна во градот домаќин, подготвена за настапите на XX Медитерански игри „Таранто 2026“, а заедно со нив е и претседателката на Македонија Гордана Силјановска-Давкова.Македонија настапува со 88 спортисти во 19 од вкупно 33 спортови на програмата. Вечерва во 20 часот е свеченото отворање, кое гледачите ќе можат да го следат во живо на МРТ 1, а на МРТ 3 ќе бидат пренесувани и дел од натпреварите

Училишна кошничка со попуст до 15 проценти, Владата ќе ја разгледа нацрт-одлуката на 25 август

Подготвена е нацрт-одлуката за воведување на училишна кошничка, која во консултациите со трговците на големо и мало кои продаваат училишен прибор била прифатена како соодветен и практичен модел за намалување на трошоците за родителите пред почетокот на новата учебна година – информира денеска Министерството за економија и труд.

Вреди: Али Ахмети и Ислам Абази должат одговор како е можно по 14 изгубени животи на крајот да излезе дека е „виновен“ кабелот?!

„Свесното жртвување на обвинението за трагедијата во модуларната болница во Тетово претставува повторно жртвување на 14-те настрадани, на нивното достоинство и на болката на нивните најблиски. Али Ахмети и обвинителството раководено од Ислам Абази должат одговор пред јавноста: како е можно по 14 изгубени животи на крајот да излезе дека „виновен“ е кабелот? Овој случај ризикува да остане запаметен како еден од најсрамните примери за институционална неодговорност и заробено правосудство!“ – реагира жестоко партијата Вреди.
Сите вести од Македонија

Најнови вести

To top