Македонија

(Видео): Има пари за луксузирање на владата, граѓаните не можат да се прехранат, реагира Филипче

Филипче посочи дека растот на цените на енергенсите и горивата директно довел до поскапување на основните прехранбени производи. Раст на цените и притисок врз граѓаните.

2 минути за читање

Граѓаните веќе се жалат дека не можат да наполнат ниту една кошничка и дека едноставно не можат да се прехранат, изјави претседателот на СДСМ, Венко Филипче, обвинувајќи дека Владата не презема мерки додека цените на храната и горивата растат. На прес-конференција, Филипче посочи дека растот на цените на енергенсите и горивата директно довел до поскапување на основните прехранбени производи. Раст на цените и притисок врз граѓаните.

  • „Нафтата беше 71 денар, сега е 95,5 денари и тоа повлече поскапување на јајцата, месото, млечните производи, овошјето и зеленчукот“, рече Филипче.

Тој нагласи дека ваквите поскапувања ретко се враќаат назад и дека најпогодени се најранливите категории граѓани. Филипче оцени дека Владата „не направи ништо“ и дека единствената мерка – намалување на ДДВ на горивата – нема ефект.

  • „Кога ќе намалите ДДВ на нешто на кое основната цена веќе пораснала, не го намалувате приходот во буџетот. Тоа значи дека има пари за луксузирање на владата, а нема директна помош за граѓаните“, изјави тој.

Според него, оваа мерка не им помага ниту на компаниите, бидејќи тие имаат поврат на ДДВ. Како пример, Филипче ја посочи Хрватска, каде, како што рече, се воведени конкретни мерки за поддршка.

  • „Освен ограничување на цените на горивата и гасот, одредени категории граѓани добија директна помош – земјоделци, социјално загрозени, рибари“, рече тој.

Тој потсети дека во време на претходните кризи биле исплатени околу 2 милијарди евра директна помош за граѓаните. Филипче повика Владата да прифати конкретни економски мерки:

  • „Да се намали ДДВ на основните прехранбени производи на 0% и да се намали акцизата за 4 денари. Само така ќе има вистинско поевтинување на горивата“, рече тој.

Дополнително, побара и намалување на патарините, како и воведување посебни пакети мерки за најзагрозените категории – пензионери, социјални случаи, лица со ниски примања и семејства со повеќе деца. Филипче оцени дека Владата нема капацитет да се справи со економските предизвици.

  • „Дефицитот веќе порасна од 3,5% на 5,1%. Тоа покажува дека нема капацитет да се води државата како што треба“, изјави тој.

Поврзани теми:

избор|Венко Филипче|СДСМ|нафта|горива|инфлација

Повеќе на оваа тема:

Најнови вести од: Македонија

Проектот за брз автобуски превоз во Скопје ќе се реализира со заем од 70 милиони евра од ЕБРД!

Вицепремиерот Александар Николоски објави дека Владата дава силна поддршка за реализација на проектот за брз автобуски превоз (БРТ) во Град Скопје. Тој нагласи дека средствата од 70 милиони евра ќе бидат обезбедени преку заем од ЕБРД, а рокот за завршување е февруари 2029 година.

Влада: Треба да се почитуваат основните принципи на професионално и етичко однесување во медиумскиот простор! – Недоличното однесување на новинарот Адеми кон Јаневска не е изолиран инцидент!

„Заштитата и унапредувањето на слободата на медиумите и правото на новинарите да поставуваат прашања од јавен интерес, без никакви ограничувања или притисоци се наша обврска, но истовремено, нагласуваме дека ова право подразбира и обврска за професионално, достоинствено и етичко однесување. Слободата на изразување не смее да биде изговор за нарушување на личниот и институционалниот интегритет – се вели во реакцијата на Владата, објавена денеска, а во врска со вчерашниот инцидент во Тетово. „Ти рековме да си земеш преведувач кога доаѓаш во Тетово?!“ – со оваа националистичка провокација ѝ се обрати новинарот Невриј Адеми кон министерката за образование Весна Јаневска за време на промоцијата на реновираното училиште „Моша Пијаде“ вчера во Тетово, кога ја праша Јаневска дали при доаѓањето во Тетово, зела и преведувач од македонски на албански јазик, со очигледна намера да предизвика скандал. На тоа Јаневска рече дека не ѝ треба преведувач и оти не знае кому му треба преведувач во Македонија за македонски јазик. Ова го објави „Плус инфо“.

Милановиќ: Има живот и без ЕУ, и тоа успешен и достоинствен! – Македонија сама одлучува што е најдобро за неа и кој пат ќе го избере!

Има живот и без ЕУ, кажа хрватскиот претседател Зоран Милановиќ по средбата со претседателката Гордана Сиљановска-Давкова во Загреб, осврнувајќи се на долгогодишниот процес на пристапување на Македонија кон ЕУ. Тој додаде дека на Македонија ѝ се поставуваат премногу услови и барања. Сиљановска-Давкова е во официјална посета на Република Хрватска.

Сиљановска-Давкова: Нема место за двојни стандарди во евроинтегрирањето, кое не смее да биде оптоварено со историски, јазични и идентитетски прашања!

На официјална церемонија со највисоки државни и воени почести претседателката на Република Македонија Гордана Сиљановска-Давкова денеска во Загреб беше пречекана од претседателот на Република Хрватска Зоран Милановиќ. Двајцата претседатели одржаа „лице-в-лице“ средба, по што следуваше пленарен состанок на македонската и хрватската делегација, кои во средиштето на вниманието ги ставија традиционално пријателските заемни односи. Со тоа започна дводневната официјална посета на Сиљановска-Давкова на Хрватска. На заедничката прес-конференција Сиљановска-Давкова истакна дека членството во Европската Унија останува една од стратешките определби на државата и се заблагодари за пријателскиот однос, поддршката и разбирањето од страна на Хрватска, како и за помошта во отворањето нови перспективи и можни решенија во процесот на европските интеграции.

Стручна расправа за предложените измени и дополнувања на Правилникот за урбанистичко планирање во Министерството за транспорт

Со измените во Правилникот се предвидува постапките за урбанизација за изградба на супермаркети и хипермаркети со површини над 5000 m2, да се одвиваат преку Министерството за транспорт
Сите вести од Македонија

Најнови вести

To top