Македонија

Владата сериозно посветена на целите од Националната развојна стратегија 2024-2044

Од октомври 2024 година досега се одржани 11 состаноци на различни теми, на кои учествуваа над 1.200 учесници, а од кои прозилегоа 46 мерки и активости.

2 минути за читање

Владата и општините изработуваат инвестициската мапа која е замислена како еден вид мост кој го поврзува јавниот интерес, односно, потребите на граѓаните и на државата со поривот на бизнис-секторот да инвестира во области што носат приходи, раст и благосостојба. Инвестициската мапа се изработува како дел од Националната развојна стратегија која се однесува на периодот од 2024 до 2044 година и ќе биде промовирана во повеќе држави. Во неа се дефинирани 6 клучни сектори за вложување.

Од Владата брифираат дека досега се одржани 3 седници на Националниот комитет за развој, со кој претседава премиерот Христијан Мицкоски, а четвртата е закажана за 23 декември. Целта е, велат од Владата, оваа Национална стратегија, која е прва од овој вид и е донесена со акламација во Собранието, навистина да се реализира и да се остварат нејзините цели, односно, да не остане само на хартија.

Од октомври 2024 година досега се одржани 11 состаноци на Работниот комитет, на различни теми – безбедност во сообраќајот, внатрешна безбедносна политика, владеење на правото, дигитализација, енергетика, локален и регионален развој, миграциски прашања, надворешна политика и надворешна трговија, одржлива, конкурентна и иновативна економија, патна инфраструктура, железница и управување со вонредни состојби. Од Владата информираат дека на овие состаноци учествувале над 1.200 учесници, а предложените мерки потоа се презентирани пред Националниот комитет за развој.

Од овие состаноци се произлезени 46 мерки и активности, како на пример дигитализација на платни налози од правосудството, ресурсни центри за локалната самоуправа, предлог за е-апостил итн. Следните состаноци ќе бидат на темите образование, здравство и регулаторна гилотина.

Основните цели на Националната стратегија 2024-2044 се: зајакнување на конкурентноста на економијата преку функционален и иновативен екосистем, усовршување на вештините и знаењето, како и вклученост и отпорност на граѓаните. Овие цели се реализираат преку 6 стратешки области: одржлива, иновативна и конкурентна економија, одржлив локален и регионален развој, демографска ревитализација, социјален и културен развој, сигурно, безбедно и отпорно општество, владеење на правото и добро управување и зелена трансформација. Централни елементи, пак, и основен предуслов за напредок во секоја стратешка област се развојот на човечкиот капитал и дигитализацијата на општеството.

Поврзани теми:

безбедност|проекти|развојна стратегија|инвестиции|топ|влада|сообраќај

Повеќе на оваа тема:

Најнови вести од: Македонија

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.
Сите вести од Македонија

Најнови вести

To top