ВМРО-ДПМНЕ бара истрага: Улогата на Спасовски во заштитата на газдата на „Пулс“

ВМРО-ДПМНЕ бара итно расветлување дали поранешниот министер за внатрешни работи, Оливер Спасовски, лично интервенирал во Секториот за внатрешни работи (СВР) во Штип за да се изврши притисок врз полициските структури во Кочани, со цел да се заштити сопственикот на дискотеката „Пулс“, чие нелегално работење е поврзано со неодамнешната трагедија во Кочани.

13. октомври 2025. — 10:02 2 минути за читање

ВМРО-ДПМНЕ бара итно расветлување дали поранешниот министер за внатрешни работи, Оливер Спасовски, лично интервенирал во Секториот за внатрешни работи (СВР) во Штип за да се изврши притисок врз полициските структури во Кочани, со цел да се заштити сопственикот на дискотеката „Пулс“, чие нелегално работење е поврзано со неодамнешната трагедија во Кочани.

Според партијата, објавените информации во медиумите фрлаат тешки сомнежи за вмешување на врвот на СДСМ во случајот, што укажува на системска заштита на блиски бизниси преку институциите.

Во соопштението се цитира телефонски разговор од 17 февруари 2022 година, во кој Михаил Јованов, синот на сопственикот Дејан Јованов, се пофалил пред лице по име Бојана дека „Оливер Спасовски се е јавувал у Штип у полицијата за нас“. Во истиот разговор се споменува казна од 40.000 евра од Управа за Јавни Приходи (УЈП), која наводно требало да се „среди“ преку политичка интервенција. Наместо да се спроведува законот, полицијата била под притисок „да не досадува“. „И он кажал тој началникот од Кочани утре одма на информативен разговор да дојде… кај началникот за Источна Македонија… ќе им с’ржат малку… да се посерат“, завршува Михаил во разговорите. Ова, според ВМРО-ДПМНЕ, претставува сериозно обвинување за злоупотреба на функција, влијание врз институциите и партиска заштита на блиски бизниси.

Партијата прашува дали Јавното обвинителство (ЈО) покренало постапка по овие наводи. „Дали Оливер Спасовски бил повикан на разговор и која е неговата улога во заштитата на газдата на дискотеката „Пулс“ и работата на дискотеката? Дали е извршена контрола во СВР Штип и ОВР Кочани? Дали Коцевски работи според закон или по нарачка на СДСМ? Коцевски и ЈО да не молчат. Доколку не е постапено, тоа значи дека Обвинителството свесно го прикрива скандалот и штити моќници“, се наведува во соопштението на ВМРО-ДПМНЕ.

Со оглед на осетливоста на случајот, поврзан со пожарот во „Пулс“ во кој загинаа повеќе лица, партијата бара транспарентност од ЈО и државниот обвинител Љупчо Коцевски, нагласувајќи дека молчењето само ја зајакнува сомнежот за прикривање.

Поврзани теми:

Оливер Спасовски|актуелно|УЈП|Пулс|ВМРО-ДПМНЕ

Повеќе на оваа тема:

Најнови вести од: Македонија

Комеморативна седница за годишнината од трагедијата во Кочани

За стравичниот пожар во дискотеката „Пулс“ во тек е судски процес

пред 16 мин.

Почина актерот Кирил Поп Христов – Кили

Публиката ќе го памети по неговииот актерски ангажман во МНТ и по улогите во филмовите „Панкот не е мртов“, „Бал-кан-кан“ и „Тетовирање“

пред 1 час

Крива Паланка ќе се збратими со Ќустендил

Советите на соседните општини од двете страни на македонско-бугарската граница утре ќе одржат заедничка седница во Ќустендил

пред 12 часа

Еврокомесарката Кос на страна на Македонија против Бугарија, според бугарски медиум

Порталот „Интриги“ ја обвинува Кос за ставот дека влезот на Македонија во ЕУ е начин да се заштити „идентитетот, културата и јазикот на Македонците“

пред 12 часа

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

пред 14 часа

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

пред 15 часа

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

пред 15 часа

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

пред 16 часа

Сите вести од Македонија