Натаму владејачката македонска партија истакнува: Во ситуација кога Македонија е блокирана од Бугарија со билатерални барања кои ги загрозуваат националните интереси, Венко прво што направи е да му се допадне на Радев како нов премиер и да застане на нивна страна, воедно да изгледа и како кодош и клеветник на македонскиот премиер Мицкоски.
Радев не е нов политичар, само е нов премиер на Бугарија, но сите добро ги знаеме неговите ставови поврзани со Македонија и македонскиот народ, јазик, идентитет, историја. Радев има кажано дека сонародниците на Гоце Делчев се Бугари, што значи дека ни тој како премиер нема да се откаже од бугарските барања и од вета поврзани со националниот идентитет. И во таква ситуација, Венко веднаш побрза да му се допадне и да застане на негова страна.
Нема предавство, кое СДС и Филипче не се подготвени да го спроведат. Тоа што Заев го започна со распродажбата на државните и национални интереси Филипче сака да го доврши. Филипче стана современиот кодош „Коте од Руља“.
Наместо да се вразумат и еднаш да застанат на вистинската македонска и државна страна, во одбрана на државните интереси, тие повторно испраќаат порака дека се подготвени на предавство, затоа и тонат и исчезнуваат од политичкиот спектар. – наведува ВМРО ДПМНЕ.