Македонија

ВМРО-ДПМНЕ стартува теренска кампања за собирање идеи од граѓаните

ВМРО-ДПМНЕ ќе започне седумдневна кампања на терен за собирање предлози и идеи за проекти од граѓаните, кои ќе бидат вклучени во програмите на кандидатите за градоначалници.

1 минута за читање

Почнувајќи од среда, 27 август, ВМРО-ДПМНЕ ќе започне седумдневна кампања на терен за собирање предлози и идеи за проекти од граѓаните, кои ќе бидат вклучени во програмите на кандидатите за градоначалници.

Од 27 август до 3 септември, во периодот од 17 до 21 часот, во сите општини низ земјата ќе бидат поставени штандови на градските плоштади или други фреквентни локации, како дел од акцијата „Предложи! Вистинската идеја за вашата општина!“. Граѓаните ќе имаат можност да ги запишат своите идеи за проекти на посебни формулари, кои би сакале да ги реализираат идните градоначалници на ВМРО-ДПМНЕ.

Во истиот период, сите партиски штабови низ државата ќе бидат отворени за граѓаните и членовите на партијата, каде тие исто така ќе можат да достават свои предлози за проекти.

Паралелно, граѓаните ќе можат да ги испраќаат своите идеи и предлози електронски на е-поштата: vistinskataidejazavashataopshtina@vmro-dpmne.org.mk. Сите предлози, без разлика дали се доставени преку штандови, штабови или електронски, ќе бидат разгледани од тимот на експерти задолжен за изработка на програмите.

Од ВМРО-ДПМНЕ изразуваат очекување за голем одзив на граѓаните, со цел да се изработат што поквалитетни и сеопфатни програми кои ќе ги одразуваат реалните потреби и идеи на граѓаните.

Поврзани теми:

кандидати за градоначалници|идни проекти|актуелно|ВМРО-ДПМНЕ

Повеќе на оваа тема:

Најнови вести од: Македонија

Муцунски: Ахмети живее во фолклорот од пред 20 години

Според Муцунски, по повеќе од 20 години, свеста на Ахмети останува заглавена во тие времиња, особено во однос на предлозите за избор на Влада со Бадентерово мнозинство во парламентот и одлучување во Уставниот суд со двојно мнозинство за закони донесени со тој механизам.

Муцунски: Нема да примаме мигранти, ниту одбиени баратели на азил од Велика Британија

Во интервјуто за „360 степени“ на Првата програма на Македонската телевизија министерот за надворешни работи и надворешна трговија Тимчо Муцунски вели дека и покрај тоа што најповиканите во државата – претседателката, премиерот, министерот за надворешни и министерот за внатрешни работи, одговориле на темата, опозицијата одлучи сè уште да ја шири таа паника.  Тој смета дека темата за прием на одбиени баратели на азил во земјава шпекулативно ја отвориле медиуми од Велика Британија и тоа не само за Македонија. „Таква дискусија и намера од нашата влада ниту имало, ниту ќе има. Во ниедна форма, и легални и нелегални, вакви, такви, никакви мигранти нема да бидат примени во нашата држава врз основа на која било форма на договор со Велика Британија.“ – нагласува министерот Муцунски.

Послеконгресно „лавовско ревење“ на Ахмети: Не сум претставник на мачките, туку на лавовите! Ако излезам на улица, повеќе не се враќам!

На денешната предновогодишна средба со новинарите лидерот на ДУИ Али Ахмети изјави дека „планот А останува развој и напредок на државата“. Тој изрази „надеж“ дека „нема да оди по план Б“. „Ако излезам на улица, не се враќам повеќе дома. Јас не сум претставник на мачки, туку на лавови!“ – додаде Ахмети. Ова го објави весникот на албански јазик „Лајм“. Што содржи „планот Б“ на „претставникот на лавовите“ – Али Ахмети?! Кому и поради што му се заканува со можно „излегување на улица“, ако не му се исполнел „планот А“, бездруго она што го договориле на нивниот саботен Конгрес?!
Сите вести од Македонија

Најнови вести

To top