„Филипче молчи и не го осуди дипломатскиот скандал на Бугарија со дипломатската нота што ја наруши безбедноста на претседателот Мицкоски“, велат од ВМРО-ДПМНЕ.
„Се појави документ со дипломатски материјали и чувствителна содржина, кој се занимава со безбедносни аспекти поврзани со државниот врв, а немаше никаква реакција од Филипче и опозицијата. Филипче избра молчење наместо јасна осуда и барање одговорност. Политичките соработници на Филипче, бугарските власти предводени од Румен Радев, кои ни го негираат нашиот македонски идентитет, јазик, историја и култура, поставија дипломатски преседан со објавување дипломатска нота што директно ја нарушува безбедноста на семејството на претседателот Мицкоски“, се вели во соопштението на владејачката партија.
Тие велат дека документот, за кој сè уште нема извинување од официјална Софија и кој беше објавен на социјалната мрежа „Фејсбук“, јасно покажува детали за информации за службени возила, имиња на патници, локација на семејството на премиерот Мицкоски, како и радиофреквенцијата на која комуницирале обезбедувачите.
„И наместо осуда, Филипче и СДС молчат, што покренува сериозни прашања за нивната политичка стабилност и приоритети. Дали Филипче молчи поради неговата блискост со неговите бугарски соработници? И покрај ваквите постапки, кои се дел од поширокиот политички притисок врз Македонија, земјата ќе продолжи по патот на европската интеграција и покрај надворешните притисоци и предизвици“, соопштуваат од ВМРО-ДПМНЕ
Зошто Бугарија ја загрозува безбедноста на семејството на премиерот Мицкоски?