Македонија

Во април зголемување на платите во здравството

Мицкоски нагласи дека здравствениот буџет годинава изнесува речиси една милијарда евра и дека во него се пресметани зголемувањата на платите. Договорот за раст на примањата на здравствените работници останува во сила до 2028 година.

1 минута за читање

Во април платите на здравствените работници ќе се зголемат меѓу 5 и 7 проценти, а Владата веќе ја зголеми капитацијата за матичните лекари, гинеколозите и стоматолозите – истакна премиерот Христијан Мицкоски во одговор на пратеничко прашање во Собранието. Тој соопшти и дека по подолг временски период, на позитивната листа се додадени нови лекови, а почнати се и постапки за сериозни инфраструктурни вложувања во здравството.

Мицкоски нагласи дека здравствениот буџет годинава изнесува речиси една милијарда евра и дека во него се пресметани зголемувањата на платите. Договорот за раст на примањата на здравствените работници останува во сила до 2028 година.

Тој оцени дека Владата затекнала лоша состојба во здравството, со многубројни долгогодишни проблеми, погрешни политики и обврски, кои претставувале дополнителен товар за јавните здравствени установи, особено Клиничкиот центар „Мајка Тереза“.

  • Работиме на решавање на проблеми што со децении останале нерешени. Знам колку вложуваат министерот за здравство и директорот на Фондот и уверен сум дека значителен дел од предизвиците веќе се решаваат – рече премиерот.

Мицкоски укажа и на случаи на злоупотреби при пријавување дежурства, каде што поединци, како што рече, прикажувале непрекината работа и примале над 10.000 евра месечно.

Поврзани теми:

топ|Македонија|Мицкоски|плати|пари|стандард|здравство|лекари

Повеќе на оваа тема:

Најнови вести од: Македонија

Партиите да се воздржат од шпекулации за собирање ситни поени на маката со труењето со храна, велат од ЕСМ

Апелираме да не се изнесуваат непроверени информации и да не се создава непотребна паника. Надлежните институции активно работат на целосно расчистување на случајот, а јавноста ќе биде транспарентно информирана за сите понатамошни наоди, соопштија АД ЕСМ и ЕСМ Молика Битола, а во врска со вчерашното труење со храна на работници од кобинатот.

Уапсени петмина, од кои четворица малолетници за лажните дојави за бомби во тетовските училишта!

Министерството за внатрешни работи ја информира јавноста дека по преземени оперативни мерки и активности полицајци од СВР Тетово денеска (26.03.2026) лишија од слобода тројца малолетници инволвирани во случаите со лажните дојави за поставени бомби во дел од основните и средните училишта во Тетово. Во претходниот период од слобода беа лишени уште две лица од кои едниот малолетник, исто така вмешани во случаите со лажните дојави за поставени бомби. Против сите пет лица кои се инволвирани ќе бидат поднесени соодветни поднесоци до надлежното Обвинителство, согласно Кривичниот законик.

Тошковски до Пашоли: Како ви текнува, се будите од сабајле и оп, сејф сити само Албанците ги фаќа?!

Министерот за внатрешни работи Панче Тошковски, денеска во Собранието одговараше на прашања од пратеничката Арбана Пашоли. „Многу ми е жал што не можете да излезете од оној вакум на етнички предзнак кога говориме за професионалност, кога говориме за системски реформи, кога говориме за сејф сити, па велите само Албанците ги фаќала камерата. Кај ви текнуваат овие работи? Стварно не ми е јасно. Камерата на сејф сити фаќала само Албанци. Јас не знам, тој што ви ги дава идеите, што ги смислува приказните ,значи, стварно, ако го плаќате, престанете да го плаќате, смислете нешто сами, верувајте ми дека ќе бидете поефикасни.“ – рече министерот Тошковски.

Меланија Трамп кажа Македонија, Грција протестира, зашто „името Македонија предизвикувало регионална конфузија во врска со грчкиот културен идентитет“?!

Првата дама на САД Меланија Трамп предизвика реакција од Атина, откако во јавен настап ја ослови македонската држава со нејзиното вистинско име Македонија. Тоа предизвика формална интервенција на грчката амбасада во Вашингтон, која инсистира на „доследна примена на одредбите од Преспанскиот договор и употреба на „уставното име“ „С.Македонија“ во сите официјални и јавни комуникации.

Мицкоски: Очекувам јавниот обвинител да истражи како ги предаде Катица Јанева случаите од затвор, како се судеа луѓе за тероризам и како се делеа бонуси во СЈО!

На денешната седница на Собранието посветена на пратенички прашања, претседателот на Владата Христијан Мицкоски говореше за очекувањата од работата на новиот Јавен обвинител. „Очекувањата од новиот јавен обвинител се големи, во смисла дека имаме чувство, а до некаде и информации, дека голем дел од предметите и претставките, кои дел од институциите како резултат на внатрешната ревизија ги имаат доставено до канцеларијата на Јавниот Обвинител, стојат или во фиока, или на дното од приоритетите. Честопати на седница на Влада ја анализираме работата на институциите врз основа на извештаи, кои што ДЗР ги доставува до Владата и до сега јас лично, може стотина пати, имам прашано: ако ова го констатирал Државниот завод за ревизија, дали ова е некаде процесуирано? Одговорот без исклучок е ‘да, процесуирано е до Јавниот Обвинител’ Очекувам сите овие предмети да бидат извадени и да се работат и да се види дали таму има основано сомнение за сторен криминал од луѓето кои ги воделе тие институции или нема.“ – нагласи премиерот Мицкоски.

Новиот меѓународен секретар на СДСМ Жерновски, иако е „експерт за дипломатија и меѓународни односи“, нема поим што значи кратенката НАТО?!

Новиот меѓународен секретар на СДСМ, Андреј Жерновски, во емисијата „Претрес со Ландов“ не знаеше да одговори што означува кратенката НАТО. Беше блиску до одговорот, но, сепак не го погоди целосното значење за оваа меѓународна организација која е политички и воен сојуз формиран за колективна одбрана.

Полицаецот М.А. од Кичево тепал граѓанин, иако не давал отпор! – МВР го суспендира од работа и го прати на психијатар!

Одделот за внатрешна контрола, криминалистички истраги и професионални стандарди при МВР до Основното јавно обвинителство за гонење на организиран криминал и корупција– Специјализирано одделение за гонење на кривични дела сторени од лица со полициски овластувања и припадници на затворската полиција поднесе кривична пријава против М.А. поради постоење основи на сомнение за сторено кривично дело ,,малтретирање во вршење на службата“
Сите вести од Македонија

Најнови вести

To top