Наум Кајчев, заменик-претседател на бугарскиот дел од Мешовитата комисија за историски и образовни прашања, ја обвини Македонија за намерно поттикнување омраза кон Бугарија?!
„Другата цел што се обидуваат да ја постигнат е дополнително да ја зголемат тензијата на негативните чувства кај граѓаните на земјата. За жал, ова е еден рефлекс уште од 1944 година, во доктрината на македонизмот е вградено дека по секоја цена мора да има една омраза кон својот сосед, особено во однос на Бугарија“, изјави Кајчев за Бугарската телевизија (БТВ).
„Парадоксално е што слушаме оценки, повици за враќање во 1946 година. Има едно преживување на времето на Тито, на Титова Македонија, како некаков вид златно доба на оваа државност, што е парадоксално. Тие наводно се дистанцирани од Југославија и од Тито, а тој сè уште е патрон на двете најважни средни училишта во земјата“, забележа тој.