Македонија

ВРЕДИ до Османи: Каде исчезнаа 700.000 евра?

МНР за време на раководството на Османи, склучи договор во вредност од 56.640.000 денари за изнајмување возила за дводневната конференција на ОБСЕ, но…

1 минута за читање

Бујар Османи, продолжува да молчи, и нема ниту една реченица за 700.000 евра кои исчезнаа од сомнителниот тендер за возила за организацијата на Министерскиот совет на ОБСЕ во Скопје, во декември 2023 година, велат од ВРЕДИ.

„Министерството за надворешни работи, за време на раководството на Османи, склучи договор во вредност од 56.640.000 денари за изнајмување возила за дводневната конференција. Цените на возилата беа 29.000 денари на ден за VIP возила, 23.000 денари за возила од средна класа, 19.200 денари за возила 8+1, сите без ДДВ, потсетуваат од ВРЕДИ и додаваат:

„Иста компанија, само еден месец претходно, понудила истите возила по цени три пати пониски за секојдневните потреби на МНР – од 9.500 денари за VIP возило со возач до 29.000 денари за истото возило, само затоа што станувало збор за меѓународна конференција.

Прашањето е едноставно: Кој ја доби разликата од 700.000 евра?

Дали овие пари завршија во приватни џебови?

И во чии? Ова не е административна грешка.

Ова е чиста шема на корупција“ – изјави Арбер Кадриу од ВРЕДИ.

Поврзани теми:

актуелно|самит|Бујар османи|возила|ОБСЕ|700.000 евра

Повеќе на оваа тема:

Најнови вести од: Македонија

Дали денешната средба на косовското Ветвендосје на Албин Курти со Албанци во Скопје е најава дека ќе ги прошири активностите и во Македонија?!

Веќе 14 години во оптек е идејата, поточно намерата на Албин Курти, доскорешен премиер на Косово, и актуелен лидер на косовската партија Движење Ветвендосје (Самоопределување) да отвори свој огранок, или центар, и во Македонија. Засега нема поблиски информации дали би можело наскоро таа идеја и намера да се реализира, со тоа што партијата на Курти би го проширила своето политичко дејствување и на територијата на Македонија. Инаку, Ветвендосје одржува блиски контакти и тесна соработка со коалицијата Вреди.

Пренџов: Заев и Филипче ѝ дадоа на Бугарија што бараше 150 години, но Бугарите во Уставот ќе влезат кога и Македонија и Македонците во ЕУ!

„Тоа што го бара Бугарија не е ново, тоа Бугарија го бара 150 години и ниеден претходно не го направил тоа, што што го направија Заев и Филипче. Предупредувавме дека ќе завршиме во ќорсокак, дека на Македонецот му е доста од понижување. Предупредувавме дека покрај сменето име, презиме, банкноти, 20 пати Устав сменето, знаме сменето, не сакаме повеќе да бидеме луѓе, кои ќе ја наведнуваме главата, научени да губиме, а ништо да не добиваме. Ние сме нова политичка номенклатура, но ги држиме македонската традиција и македонскиот идентитет по секоја цена! Кога се работи за Македонија, за нашите предци и за нашите поколенија, мора многу сериозно, многу стратегиски и многу мудро да се размислува. Не велиме дека никогаш нема да има Бугари во Уставот, но велиме дека велиме кога Македонците ќе влезат во ЕУ тогаш и Бугарите ќе влезат во нашиот Устав!“ – изјави пратеникот од ВМРО ДПМНЕ Љупчо Пренџов во гостувањето во ТВ Канал 5.

Забавниот парк „Зимзоленд“ под клуч – инспекцијата го затвори по направените вонредни контроли

Клуч за вртелешките во скопско Ново Лисиче. Забавниот парк „Зимзоленд“ е затворен за посетители. Според информациите, во текот на денот објектот бил затворен по интервенција на Министерството за внатрешни работи, во координација со Општина Аеродром. На терен и инспекоти од УЈП.
Сите вести од Македонија

Најнови вести

To top