„20 години, Бујар Османи градел политичка кариера, но не градел никаков проект за Чаир. Денес, се преправа дека е заинтересиран за Чаир“ обвинуваат од коалицијата ВРЕДИ во денешното соопштение.
„Две децении, Османи ги извршувал највисоките државни функции, но ниту еден граѓанин на Чаир не почувствувал поддршка или помош од него. Денес гледаме само игри и празни зборови. Програмите и плановите ги објавува човек кој две децении не оставил никаква трага во Чаир. Празна книга“.
Од ВРЕДИ велат дека Бујар Османи не е кандидат за Чаир, туку е кандидат за својата кариера.
„Тој бара поддршка од Чаир, но не за Чаир, туку за враќање на власт. Ако сака да научи што е Чаир, нека прошета по неговите улици и нека ја види вистинската состојба.
Граѓаните на Чаир повеќе не сакаат политичари со празни зборови, кариеристи, туку сакаат посветеност, вистинска работа и конкретни резултати. Не само што не донесе проекти за Чаир, туку Османи не може ниту да го изгасне своето лично его.
Тој ги исклучува и малкуте млади што останаа во ДУИ, користејќи ги како копја за партиски знамиња, а не како потенцијал за промени. Денес, таа младина го напушти и силно се зацврсти зад Изет Меџити и ВРЕДИ, бидејќи таму наоѓаат визија, перспектива и почит.
На Чаир му треба работа и развој, не за политичар кој 20 години ја гледал оваа општина само како отскочна штица за својата лична кариера“, се наведува во соопштението на ВРЕДИ