Коалицијата ВРЕДИ повторно ја обвини Демократската унија за интеграција за невистинити и тенденциозни изјави.
„Дури и ПР трикот на „референдумот“, кој го искористи како измама, реалноста ѝ се удри во лице со десет изгубени општини. Претходно, збореа за „деалбанизација“. Не затоа што се грижеше за Албанците, туку затоа што ја изгуби контролата врз институциите. ДУИ не се грижеше за Албанците. Секогаш се грижеше како да ги држи институциите како заложници за себе и за својата клика. Официјалниот извештај за 2024 година повторно им ги затвора устите“, велат од ВРЕДИ.
Според нив, застапеноста на Албанците не се намалила, туку се зголемила од 21,7 проценти во годината кога беа на власт, на 22,3 проценти сега кога ВРЕДИ е во Владата.
„Фактите ја соголија ДУИ. Паниката беше лажна, додека наративот беше ниска пропаганда. Кога ДУИ ја изгуби власта над институциите, почна да ја продава лагата дека Албанците губат. Ова беше најголемата измама. Вистината е оваа. ДУИ беше загрижена како да ги исплаши Албанците, како да ги држи постојано напнати, како да ги манипулира емоционално и како да ги користи како штит за сопствените пазарења и работи.
Со ВРЕДИ на власт, овој циклус завршува.
За прв пат по 23 години, го носиме Законот за фер и соодветна застапеност, кој ќе важи за секоја институција во оваа земја, дури и за оние институции каде што до денес, „благодарение“ на балансерот, Албанците немаа пристап. Јасен, обврзувачки, надгледуван и недостижен закон за политички пазарења“, додаваат од ВРЕДИ.