Заменик шефот на македонската дипломатија Зоран Димитровски се сретнал со министерот за Конгоанска дијаспора, објави заменик министерот.
,,Денес остварив средба со делегираниот министер на Демократска Република Конго задолжен за Франкофонија и конгоанската дијаспора, г. Криспин Мбаду. Разговаравме за унапредување на билатералната и мултилатералната соработка, како и за можностите за партнерство во повеќе области од заеднички интерес”, објави Димитровски кој порача дека двајцата соговорници ја потврдиле важноста на Франкофонијата како платформа за дијалог, солидарност и развој.
На средбата биле разменети мислења и за актуелните регионални и меѓународни прашања.