Македонија

Завршни зборови на судењето за убиствата на Вања и Панче

Завршно рочиште поврзано со грабнувањето и суровите убиства на 14-годишната Вања Ѓорчевска и 74-годишниот Панче Жежовски ќе се одржи денеска во Основниот кривичен суд во Скопје. На рочиштето, завршни зборови ќе даде Јовица Страшевски, адвокатот на првообвинетиот Љупчо Палевски, а потоа ќе се изјаснат и обвинетите Велибор Манев, Боре Видевски, Влатко Кешишев, како и таткото […]

1 минута за читање

Завршно рочиште поврзано со грабнувањето и суровите убиства на 14-годишната Вања Ѓорчевска и 74-годишниот Панче Жежовски ќе се одржи денеска во Основниот кривичен суд во Скопје.

На рочиштето, завршни зборови ќе даде Јовица Страшевски, адвокатот на првообвинетиот Љупчо Палевски, а потоа ќе се изјаснат и обвинетите Велибор Манев, Боре Видевски, Влатко Кешишев, како и таткото на Вања, Александар Ѓорчевски.

Обвинителството побара најстроги казни – доживотен затвор за четворицата обвинети за киднапирање и убиство, а соодветна затворска казна за таткото на Вања, кој е обвинет за помагање при грабнувањето на своето дете.

Одбраната, во своите излагања, наведе дека дел од обвинетите немале договор за извршување на убиствата и затоа побара нивно ослободување или, доколку судот не ги ослободи, да бидат осудени само за киднапирање.

За таткото на Вања, адвокатите потенцираа дека не постојат докази или мотив кои би потврдиле негова вина, истакнувајќи дека тој сам е жртва во трагедијата.

Доколку денешните завршни зборови се одржат според планот, се очекува судот наскоро да ја соопшти пресудата на следното рочиште.

Поврзани теми:

судење|актуелно|вања|Панче|убиства

Повеќе на оваа тема:

Најнови вести од: Македонија

Муцунски: Ахмети живее во фолклорот од пред 20 години

Според Муцунски, по повеќе од 20 години, свеста на Ахмети останува заглавена во тие времиња, особено во однос на предлозите за избор на Влада со Бадентерово мнозинство во парламентот и одлучување во Уставниот суд со двојно мнозинство за закони донесени со тој механизам.

Муцунски: Нема да примаме мигранти, ниту одбиени баратели на азил од Велика Британија

Во интервјуто за „360 степени“ на Првата програма на Македонската телевизија министерот за надворешни работи и надворешна трговија Тимчо Муцунски вели дека и покрај тоа што најповиканите во државата – претседателката, премиерот, министерот за надворешни и министерот за внатрешни работи, одговориле на темата, опозицијата одлучи сè уште да ја шири таа паника.  Тој смета дека темата за прием на одбиени баратели на азил во земјава шпекулативно ја отвориле медиуми од Велика Британија и тоа не само за Македонија. „Таква дискусија и намера од нашата влада ниту имало, ниту ќе има. Во ниедна форма, и легални и нелегални, вакви, такви, никакви мигранти нема да бидат примени во нашата држава врз основа на која било форма на договор со Велика Британија.“ – нагласува министерот Муцунски.

Послеконгресно „лавовско ревење“ на Ахмети: Не сум претставник на мачките, туку на лавовите! Ако излезам на улица, повеќе не се враќам!

На денешната предновогодишна средба со новинарите лидерот на ДУИ Али Ахмети изјави дека „планот А останува развој и напредок на државата“. Тој изрази „надеж“ дека „нема да оди по план Б“. „Ако излезам на улица, не се враќам повеќе дома. Јас не сум претставник на мачки, туку на лавови!“ – додаде Ахмети. Ова го објави весникот на албански јазик „Лајм“. Што содржи „планот Б“ на „претставникот на лавовите“ – Али Ахмети?! Кому и поради што му се заканува со можно „излегување на улица“, ако не му се исполнел „планот А“, бездруго она што го договориле на нивниот саботен Конгрес?!
Сите вести од Македонија

Најнови вести

To top