Донесено е Решение за утврдување на режим на сообраќај во Автокоманда, со што официјално се одобрува воведувањето на зонско паркирање – решение кое жителите на Автокоманда го очекуваат повеќе од една деценија, информира градоначалникот на Општина Гази Баба и кандидат за уште еден мандат, Бобан Стефковски. .
Во објава на Фејсбук, Стефковски вели дека веќе интензивно се работи на изработка на проектот за обележување на улиците и поставување на потребната сигнализација, а активностите на терен ќе започнат во најкус можен рок.
„ Она што е од особена важност, – вели Стефковски – е што секое домаќинство ќе добие две бесплатни картички за паркирање, со што се обезбедува правична распределба и приоритет за жителите“ .
Тој во објавата додава дека зонското паркирање е решение кое директно ќе влијае на квалитетот на животот во Автокоманда.
