Регион

Борисов кажа што треба да направи Македонија за да почне, а што понатаму за да продолжи преговори со ЕУ

Го поздрави усвоениот Извештај за напредокот на Македонија за 2025 година наведувајќи дека европратениците испратиле јасна порака во поддршка на почитувањето на преземените обврски на европскиот пат на Македонија

2 минути за читање

 

Според него, одлуката на ЕП потврдува дека обидите за заобиколување на договорите меѓу Бугарија и Македонија нема да се толерираат.

„Со својот глас, европратениците од сите групи јасно ставија до знаење дека злоупотребата на европските правила и договори нема да се толерира“, објави поранешниот бугарски премиер на Фејсбук.

Борисов се пофали дека по потпишувањето на Договорот за пријателство и добрососедство во 2017 година ГЕРБ одигра клучна улога во враќањето на европската перспектива на Македонија во 2022 година, кога беше договорен таканаречениот европски консензус.

„Благодарение на мнозинството што нашата парламентарна група им го обезбеди на тогашните владетели, Националното собрание ја усвои декларацијата во која јасно се наведени параметрите што подоцна станаа основа за договорениот компромис меѓу Брисел и Скопје.
Во оваа смисла, нападот врз Вториот протокол кон Договорот за пријателство и добрососедство беше несоодветен и контрапродуктивен. Поради оваа причина, мило ми е што мнозинството европратеници категорично изјавија дека договорите мора да се почитуваат и дека ќе се спречат обиди за нивно заобиколување преку процедурални трикови“, објави тој.

Борисов нагласи дека бугарската позиција останува непроменета.

„Бугарите мора да бидат вклучени во Уставот на нашиот западен сосед, за да може да го почне својот суштински процес на преговори. За да продолжат овие преговори и Договорот за пријателство и добрососедство и сите негови протоколи мора строго да се спроведуваат, како што всушност е предвидено во европската преговарачка рамка. Сè друго ќе наиде на недоразбирање и широк институционален и јавен отпор, и во Бугарија и во Европа“, порача Борисов.

Поврзани теми:

избор|Бугари во Устав|Борисов|протоколи|Договор за пријателство|заедничка историја|Бојко

Повеќе на оваа тема:

Најнови вести од: Регион

Атина и Софија потпишаа Меморандум за враќање на 48 реликвии во Грција и пренесување на останките на цар Самоил во Бугарија

Меморандум за разбирање со кој во Грција се враќаат 48 реликвии од два грчки манастири и од една црква што над 100 години биле изложени во Националниот историски музеј во Софија, а Грција ќе ѝ ги предаде на Бугарија останките на цар Самоил, потпишале денеска министрите за култура на двете земји, Лина Мендони и Евтим Милошев, јави дописничката на МИА од Атина.

Стерјовски на Самитот за мир во Тирана: Нашите идентитети не треба да бидат ѕидови што нè делат, туку мостови што нè поврзуваат“

Претседателот на Македонската алијанса за европска интеграција (МАЕИ), Васил Стерјовски, учествуваше на Меѓународниот самит за мир, што се одржа во Тирана, посветен на темата „За верскиот соживот во Албанија“. Тој истакна дека верскиот соживот претставува една од значајните вредности на албанското општество, која треба да се зачува и да им се пренесе на идните генерации.

Кога стартува ЕТИАС и што значи тоа за македонските граѓани?!

Македонските граѓани кои планираат патувања во земјите од Европската Унија наскоро ќе соочат со уште една нова административна процедура пред да тргнат на пат. По пристапувањето кон Влезно-излезниот систем на ЕУ (EES), вниманието на јавноста и патниците од регионот се насочува кон ЕТИАС (ETIAS) – електронскиот систем за овластување за патување, наменет за сите државјани […]
Сите вести од Регион

Најнови вести

To top