Законот ги проширува овластувањата на специјалниот управител и му дава право да ги продава средствата на компанијата.
Опозицијата објави дека станува збор за кражба на цела компанија, објавија медиуми.
Веста дека Вашингтон не ја одобрува продажбата на средствата на Лукоил на Гунвор предизвика парламентарна реакција.
Владејачите итно воведоа измени во законот и ги зголемија овластувањата на специјалниот управител. Тој ќе биде назначен од Советот на министри и ќе може да ги продава средствата на компанијата, како и да ги става под хипотека и да ги заложува.
Со законот рафинеријата на руската група Лукоил во Бургас, на Црното Море, се става под државна контрола.
Ова е последица на санкциите на САД воведени во октомври против рускиот нафтен гигант, кои ја загрижија Владата на Бугарија дека поради санкциите таа руска рафинерија, најголемата компанија во Бугарија со промет од 4,68 милијарди евра во 2024 година, би морала да се затвори.
Лукоил индиректно поседува 99,85 отсто од рафинеријата Нефтохим во Бургас.
„Одамна предвидувавме дека шведската „Гунвор“ ќе одбие договор со Лукоил. Имам многу повеќе информации од другите. Денес, со законот што ќе го воведеме, го копираме и градиме врз германскиот модел, така што државата ќе биде безбедна“, рече лидерот на ГЕРБ, Бојко Борисов.
Лидерот на ГЕРБ објасни дека според германскиот модел, „специјален менаџер“ ќе може да располага со средствата на компанијата.
Според него, до 21 ноември, кога санкциите ќе стапат во сила, менаџерот мора да биде избран, а парите од продажбата мора да одат на посебна сметка.
Веднаш по објавувањето, енергетскиот комитет се состана на 30-секунден состанок и законот влезе во пленарната сала.