На седницата присуствуваа само пратениците на Самоопределување и нивните коалициски партнери, 64 од нив, а за да биде избран еден од кандидатите, треба да гласаат 80 пратеници во првиот круг.
Ниту една од двете кандидатки на движењето Самоопределување за претседател на Косово вечерва не беше избрана за претседател поради немање кворум, па затоа седницата беше прекината и ќе продолжи утре, објавија локалните медиуми.
Аналитичарите сметаат дека гласањето се одржало нелегално и спротивно на Уставот.
Откако Гљаук Коњуфца и Фатмира Муљхаџа-Кољчаку ги повлекоа своите кандидатури за претседател, Самоопределување предложи две нови кандидатки – Фериде Рушити, која е основач и директорка на приштинскиот Центар за рехабилитација на преживеани од тортура, и Хатија Хоџа, докторантка на Филолошкиот факултет на Универзитетот во Приштина, која е членка на Самоопределување од 2010 година.