Информацијата дека Турција и Велика Британија потпишале меморандум за разбирање што ѝ овозможува на Анкара да користи борбени авиони „Еурофајтер“, предизвика паника во Грција каде информацијата на Ројтерс предизвикува остри реакции.
Со наслов „Произведено во Европа – да се користи против Европа“?, Greek Report тврди дека давањето авиони „Еурофајтер“ на Турција е директна закана за Грција, Кипар и Источниот Медитеран.
Според Greek Report западот не смее да и даде авиони за Турција -а Европа мора да се разбуди пред да биде предоцна затоа што Турција постојано покажувала дека ќе ја искористи секоја предност во оружје.
,,Вооружувањето на регионален агресор кој активно им се заканува на земјите-членки на ЕУ со напредни борбени авиони не е само неодговорен и срамен избор – тоа е предавство на европската безбедност и вредности.
Турција ќе ги користи овие авиони не за да ги брани западните вредности, туку за да проектира моќ, да го дестабилизира регионот и да ги малтретира своите соседи”, објавува медиумот.
Деновиве се одбележува 51 година од турската анексија на Северен Кипар.
Пред неколку години екс грчки премиер изјави дека евентуална војна меѓу Атина и Анкара би траела многу кратко а поразениот во војната ќе биде Грција.