Бугарскиот претседател Румен Радев во своите два мандата досега го зголемил своето богатство за 99 пати, пишува тамошниот весник „24 часа“, повикувајќи се на годишните пријави за имотот на функционерите објавени од Антикорупциската комисија.
Кога стана претседател на Бугарија во 2017 година Радев пријавил симболични 4.379 лева на својата банкарска сметка, а во 2024 година таа му пораснала на 435.621 лева!
Само во текот на минатата година контото на шефот на бугарската држава се зголемило за околу 160.000 лева, при што вложил 23.000 лева во пензиски и во инвестициски фондови, а година претходно имал околу 280.000 лева на сметката.