Регион

Северина се појави во Брисел – да зборува за правото на абортус

Северина во борба за правото на абортус

Хрватската пејачка Северина, позната по својата долга уметничка кариера и активизмот за човекови права, денеска упати силно и емотивно обраќање до Европскиот парламент и до јавноста за правото на абортус.

– Реалност е дека сите ние, вклучувајќи ги и претседателката на Европската комисија и претседателката на Европскиот парламент, сме третирани како граѓанки од втор ред – изјави Северина. „Жени на кои многу држави во Унијата сè уште не им го признаваат правото на сопствен избор – на телото, на одлуката, на животот“.

Во говорот таа ја осуди улогата на државата во ограничувањето на репродуктивните права, истакнувајќи дека наместо општества во кои жените живеат слободно и достоинствено, се создаваат системи каде што „женските тела и животи се ставени под контрола на државната власт – во име на некаква традиција“.

– Но тоа не е нашата традиција – нагласи Северина. „Тоа не е традиција на Европската Унија, ниту на Европејките. Нашата вистинска традиција е слободата – и ние сме решени да ја зачуваме“.

Таа исто така посочи дека низ цела Европска Унија се собрале 1,2 милиони потписи, од кои 65.963 во Хрватска, во рамки на иницијатива која има за цел да обезбеди достапен, бесплатен и безбеден прекин на бременоста за сите жени во ЕУ.

На крајот, Северина испрати порака до европратениците:

-Ќе успееме. Ќе го постигнеме ова. Вашата одлука, господа европратеници, е едноставна: дали ќе бидете на правилната или на погрешната страна на историјата. Дали ќе можете да им погледнете во очи на жените, и во огледало на себеси? Или ќе останете запаметени како арогантни насилници и – истовремено – поразени губитници.

Најнови вести од: Регион

Вучиќ се сретна со Путин

Српскиот претседател Александар Вучиќ се сретна со рускиот претседател Владимир Путин во Пекинг, на маргините на самитот на Шангајската организација за соработка (ШОС) и прославата по повод 80-годишнината од победата во Втората светска војна

Србија се вооружува, 5.5 милјарди евра за авиони, дронови и ракетни системи

Во текот на само 12 месеци, од август 2024 до август 2025 година, владата на Србија под водство на претседателот Александар Вучиќ потпишала договори за купување оружје во вкупна вредност од речиси 5,5 милијарди евра.

Трагедија во БиХ: Тинејџер загина, влегол во минско поле

Деветнаесетгодишно момче го загуби животот на минско поле во Босна и Херцеговина, станувајќи уште една жртва на неексплодираните мини од војната во периодот 1992-1995 година, кои и по три децении остануваат сериозна закана.

Вучиќ:Србија нема да дозволи насилни обиди за преземање на власта

Претседателот на Србија, Александар Вучиќ, упати писмо до британскиот весник „Гардијан“, одговарајќи на критиките за начинот на кој државата се справува со студентските протести што ја потресуваат земјата повеќе од девет месеци.

Вицепремиерот добил писмо со 3 куршуми

Српското Министерство за внатрешни работи денес соопшти дека при редовна проверка на поштата во зградата на Владата на Србија, во коверт адресиран до вицепремиерот и министер за внатрешни работи, Ивица Дачиќ, биле пронајдени три куршуми.

To top