Посетата на Софија од Кирил Буданов, шеф на кабинетот на украинскиот претседателот Володимир Зеленски, на негово барање и во целосна доверливост поради безбедносни мерки, ја крена на нозе Бугарија.
За време на средбата со премиерот Румен Радев вчера Буданов ги споделил ставовите на украинската страна за можностите за постигнување мирно решение на војната во Украина.
Посетата покрена прашања и остри политички реакции. За неа се дозна од објавата на лидерот на партијата Републиканци за Бугарија, Цветан Цветанов, кој сподели фотографија од средбата со украинскиот претставник. Тој објави фотографија со Буданов на социјалните мрежи, придружена со краток коментар во кој изрази почит кон украинскиот претставник и поддршка за напорите за постигнување мир.
„Импресиониран сум од интелектот, силниот дух и решителноста на Кирил Буданов. Му посакав успех на претстојните средби во САД и изразив надеж дека неговите напори ќе придонесат за постигнување праведен и траен мир“, напиша лидерот на Републиканци за Бугарија.
Неговата објава привлече внимание за посетата, за која досега не се презентирани детални официјални информации во врска со програмата, одржаните разговори и евентуалните средби со претставници на бугарските институции. Министерството за надворешни работи во соопштение за телевизијата Нова објави дека не биле информирани за посетата на Буданов и дека немало средба со министерот. Идентично информира и Министерството за одбрана.