Три лица се убиени, а едно е повредено во пукотница во Гњилане во денес, на 10 август 2025 година, попладнето, потврдија властите, пренесува „Коха“. Осомничениот за убиствата е Мефаил Шкодра. Полицијата издаде налог за негово апсење за убиствата и побара помош од граѓаните, за да го пронајдат. Медиумите наскоро објавија фотографија од Шкодра во друштво на косовскиот претседател Вјоса Османи, нејзиниот сопруг Приндон Садриу и привремениот премиер Албин Курти. Оваа информација ја објави информативниот портал на српски јазик „Косово онлајн“.
Во меѓувреме, полицијата издаде налози за апсење на двајца од синовите на Мефаил Шкодра, Едонис Шкодра (25) и Енѓул Шкодра (22).
Директорот на полицијата во Гнилане Агрон Рукиќи објави дека едно лице е уапсено на местото на тројното убиство денес во градот, додека се бараат уште три лица. Тој нагласи дека е побарана меѓународна соработка за апсење на тројцата осомничени за тројното убиство во Гњилане, за кои изјави дека има доволно докази дека го сториле. „Полицијата обезбеди доволно докази, со сомнение дека три лица го сториле ова тешко кривично дело.“ – посочи Рукиќи.