Регион

Во училиштата во Бугарија ќе се учи религија, но не и ислам

Може да се изучува само ако повеќе од 10% од населението се идентификува со неа, а муслиманите во Бугарија се само 9,8 %

1 минута за читање

Предложените измени во училишниот закон од страна на бугарското Министерство за образование и наука, со кои се воведува нов предмет „Доблести и религии“ во училиштата, практично го исклучуваат исламот од можните религии што учениците ќе можат да ги изберат, пишува бугарски „Сега“

Причината е пишаниот услов според кој религијата може да се изучува само ако повеќе од 10% од вкупното население на земјата се идентификува со неа.

А муслиманите се 9,8% од луѓето во Бугарија.

Како што веќе беше објавено неколку пати, во рамките на новиот предмет „Доблести и религии“ учениците ќе можат да изберат три опции – религија-православие (конфесионално), религија-ислам (конфесионално) или доблести/етика, а за овој предмет нема да има оценки.

Според податоците од последниот попис, во Бугарија има 638.708 муслимани, од вкупното население кое изнесува 6.519.789 луѓе.

Така, според текстот на предлог-законот, предложен од Министерството за образование и наука и усвоен од Владата, единствената религија што може да се изучува по новиот предмет во училиште е христијанството.

Поврзани теми:

веронаука|религија|избор|Бугарија|училишта|муслимани|ислам

Повеќе на оваа тема:

Најнови вести од: Регион

Една жена загина и 16 лица се повредени, откако влета автомобил во во толпа на „Парадата на гордоста“ во Берлин

Една жена загина, а 16 лица се повредени, од кои некои се во критична состојба, откако напаѓач со автомобил влета во толпа луѓе за време на Парадата на гордоста во Берлин. Полицијата соопшти дека го идентификувала осомничениот, кој ѝ е познат на полицијата и се поврзува со исламистичката сцена во германската престолнина.

Бугарите се противат на распоредување американски авиони-цистерни во базата Бесмер и најавуваат протести: Стануваме легитимна цел во војна, што не е наша!

Жителите на бугарската општина Безмер, десетина километри западно од Јамбол, протестираат против распоредувањето американски авиони во воздухопловната база што се наоѓа во близина, тврдејќи дека не биле однапред информирани и оти одлуката е донесена без консултација со локалната заедница. Тие потпишале петиција и свикале протест, на кој повикуваат да им се придружат и жителите на околните села и населби.
Сите вести од Регион

Најнови вести

To top