Претседателот на Србија Александар Вучиќ објави денеска дека го поддржува премиерот на Унгарија Виктор Орбан на утрешните избори во земјата, за кои смета дека се важни не само за иднината на Будимпешта, туку и за Европската Унија, пренесува „Бета“.
Вучиќ на „Инстаграм“ напиша дека не знае дали Орбан ќе изгуби или ќе победи, ама дека му е благодарен за пријателството меѓу Србите и Унгарците.
„Не знам дали Виктор ќе изгуби или ќе победи. Знам само дека сум му бескрајно благодарен за пријателството меѓу Србите и Унгарците. Без него, тоа пријателство не би постоело“, се наведува во објавата, која вклучува и фотографија од Вучиќ и Орбан.
Вучиќ додаде дека му е благодарен на Орбан за сè „каков и да е резултатот“.
„П.С. Ние Србите сме различни, бидејќи дури и да изгубите, ќе ви бидеме засекогаш благодарни“, завршува објавата.