Завчера напладне во бугарскиот град Сандански, додека се капела во бањата од нејзиниот стан на седмиот кат, жена била касната во ногата од отровна змија, пишува регионалниот весник „Струма“.
Не е познато како се нашла змијата во станот, а настраданата по немилиот настан била хоспитализирана во болницата во Петрич.
Лекарите од одделот за реанимација ја исконтролирале состојбата на жената, која во моментов е стабилна, изјавиле за „Струма“ од болницата.