Лина Ѓорческа имаше успешен старт на тенискиот челинџер од серијата ВТА 125 во италијанскиот град Роверето, кој се игра на тврда подлога и за награден фонд од 115 американски долари.
Најдобрата македонска тенисерка, неделава 213. на ВТА-листата во поединечна конкуренција, во првото коло славеше со 6-4, 6-3 над четвртата носителка Нурија Бранкачо од Италија, 151. женски рекет во светот, за што на 31-годишната тетовка ѝ беа доволни само 67 минути.
Противничка на Ѓорческа во осминафиналето в среда од 10 часот ќе ѝ биде Алиона Болсова Задоинов (241.) од Шпанија.