Машката одбојкарска репрезентација на Македонија ја прокнижи првата победа во годинашното издание на Европската златна лига, добивајќи го трилерот во Даугавпилс со домаќинот на вториот турнир Летонија со 3:2, по сетови 18-25, 25-19, 20-25, 25-23 и 25-23.
Избраниците на селекторот Јошко Миленковски ја искористија дури седмата меч-топка за првите два бода за деветтото место во моментов во конкуренција на 12 селекции, од кои последната ќе се испадне во Европската сребрена лига.
Македонскиот капитен Никола Ѓорѓиев беше најкорисен играч на натпреварот што од трибините го следеа 712 љубители на одбојката, запишувајќи 29 поени, Филип Савовски додаде 17, еден повеќе од Александар Љафтов.
Попладнево од 17 часот „црвено-жолтите“ ги очекува дуелот со третопласираната Грција.