Кралската белгиска фудбалска асоцијација (РБФА) објави дека се продадени сите влезници за натпреварот Белгија – Македонија в петок од 20:45 часот во Гент од квалификациите за Светското првенство 2026.
„КАА Гент арена“ има капацитет од 20.185 места за седење и сите ќе бидат пополнети, вклучувајќи и 1.000 наменети за гостинските навивачи, за кои билетите „пламнаа“ уште минатата седмица, како што објави Фудбалската федерација на Македонија.
Во реваншот со топ-фаворитот во групата Ј „црвено-жолтите“ влегуваат како лидери на табелата со 11 бода, еден повеќе од Белгијците, со кои ремизираа 1:1 во првиот меч во Скопје, а 10 бода има и Велс.