Фудбалерите на Шкендија загубија со 2:0 на гостувањето кај Рајо Валјекано во своето деби во групната фаза од Конференциската лига на УЕФА.
Поранешниот клуб на голманот на македонската репрезентација Столе Димитриевски до трите бода дојде со два гола за четири минути во првото полувреме, кога Унаи Лопез го отвори резултатот во 28. минута, а Франсиско Перез го затвори во 32. минута.
Шпанскиот претставник доминираше во текот на целиот натпревар, за што зборуваат поседот на топка од 69:31 проценти, ударите кон голот (20:2), од кои 10:1 во рамките на голот, како и соодносот на корнерите (12:0).
Во второто коло на 23 октомври од 18:45 часот тетовци ќе го пречекаат Шелбурн од Ирска.