Бугарија е меѓу најактивните поддржувачи на европската интеграција на Молдавија и Украина, врз основа на принципот на сопствените заслуги, изјави премиерот Росен Жељазков за време на средбата со претседателката Маја Санду, пренесуваат медиуми.
Тој изрази благодарност до претседателот на Молдавија за конструктивниот пристап и поддршката во процесот на трансформирање на поранешниот Универзитет Тараклија во полноправна филијала на бугарскиот Универзитет во Русе „Ангел Канчев“.
Според него, примени биле над 200 апликации од потенцијални студенти во филијалата, што докажува дека отворањето на филијалата во Тараклија ги постави темелите за одржливо бугарско образовно и културно присуство во регионот – со значење не само за Молдавија, туку и за бугарските сонародници во соседна Украина.
Двајцата лидери разговараа и за состојбата на билатералните односи, кои се темелат на долгогодишни врски, заеднички вредности и силната улога на бугарската заедница во Молдавија како мост на пријателство меѓу двете земји.