Во соопштението објавено од иранските медиуми, ИРГК соопшти дека лансирала ракети „Корамшахр-4“ во зори врз „срцето на Тел Авив, аеродромот Бен Гурион и базата на 27-та ескадрила на израелските воздухопловни сили на овој аеродром“.
– Оваа ракета земја-земја успешно ја пробила одбраната на израелската армија и го погодила воениот дел од меѓународниот аеродром Бен Гурион. Првичните извештаи покажуваат дека нападот предизвикал голема штета на местото на настанот, објави „Мехр“.
Израел денес соопшти дека во израелските воздухопловни сили нема 27-ма ескадрила и дека иранското тврдење веројатно се однесува на воздухопловната база 27, или воздухопловната база Лод, која некогаш била дел од аеродромот „Бен Гурион“ пред да биде трајно затворена во 2010 година.
Сите ирански балистички ракети лансирани преку ноќ кон Израел биле пресретнати од воздушната одбрана, според израелската војска, објавува „Тајмс оф Израел“.