Ззападни земји, вклучувајќи ги Австрија, Белгија, Канада, Франција, Германија, Италија, Полска и Европската Унија, го повикаа Израел да го обнови медицинскиот коридор помеѓу Појасот Газа и окупираниот Западен Брег, вклучувајќи го и Источен Ерусалим, објави Ројтерс..
Тие понудија финансиска помош, медицински персонал и опрема за лекување на пациенти од Газа во болниците на Западниот Брег,
„Го повикуваме Израел да го обнови медицинскиот коридор до окупираниот Западен Брег, вклучувајќи го и Источен Ерусалим, за да можат да продолжат медицинските евакуации од Газа и пациентите да можат да го добијат третманот што им е толку итно потребен“, се вели во заедничката изјава. САД не беа меѓу потписниците на декларацијата.
Израел сè уште не одговори на повикот.
Во моментов израелските власти дозволуваат ограничен број жители на Газа да добијат медицински третман во арапските и европските земји.
Хуманитарните агенции кон крајот на август објавија дека само мал дел од потребната помош, вклучително и лекови, стигнува до Газа, и покрај тоа што Израел објави крај на блокадата во мај.
Според Светската здравствена организација, здравствениот систем во енклавата е на работ на целосен колапс.
Израел ги контролира сите гранични премини и вели дека дозволува доволно хуманитарни залихи.