Свет

Израел „заплени“ брод со хуманитарна помош за Газа (ВИДЕО)

Израелски војници пресретнаа брод со хуманитарна помош што се движел кон Газа, а меѓу патниците беа активистката за климатски промени Грета Тунберг, актерот од „Игра на тронови“ Лиам Канингем и француската европратеничка Рима Хасан. Сите беа приведени и однесени во Израел. Коалицијата на Freedom Flotila (FFC) претходно објави дека израелската војска се качила на бродот […]

2 минути за читање

Израелски војници пресретнаа брод со хуманитарна помош што се движел кон Газа, а меѓу патниците беа активистката за климатски промени Грета Тунберг, актерот од „Игра на тронови“ Лиам Канингем и француската европратеничка Рима Хасан. Сите беа приведени и однесени во Израел.

Коалицијата на Freedom Flotila (FFC) претходно објави дека израелската војска се качила на бродот „Мадлин“, кој се обидуваше да достави помош во Газа.

По повеќе од 600 дена војна и 11-неделна целосна блокада на помошта, 2,1 милиони луѓе во енклавата се соочуваат со сериозна криза со глад, според CNN.

Израелското Министерство за надворешни работи објави утрово дека бродот „безбедно се движи кон израелскиот брег“ и дека се очекува патниците да се вратат во своите матични земји.

Тие, исто така, споделија видео на социјалните мрежи на кое се гледа екипажот на бродот, облечен во портокалови елеци за спасување, како седат еден до друг додека војник им дава вода и сендвичи. Грета Тунберг седи близу до предниот дел од групата.

Коалицијата FFC претходно објави на Телеграм дека бродот бил „нападнат во меѓународни води“.

„Дронови кружат околу бродот, испуштајќи супстанца слична на бела боја. Комуникацијата е изгубена, а преку радио се емитуваат вознемирувачки звуци“, се вели во нивната објава.

Израелското Министерство за надворешни работи објави видео од морнар кој му кажува на екипажот на бродот преку радио дека „морската зона покрај брегот на Газа е затворена“.

Поврзани теми:

Израел|хуманитарна помош|топ|избор|Газа

Повеќе на оваа тема:

Најнови вести од: Свет

Трамп го сака Гренланд – но без мразокршачи од Финска или Русија, тоа е невозможно

Климатските промени на Арктикот не го олеснуваат, туку го отежнуваат движењето: мразот станува подебел, поподвижен и поопасен во некои области, дури и кога вкупната површина на ледената покривка се намалува.

„Фолксваген“ нуди пензионирање на 57 години: Нереални услови за да го намали бројот на вработени

Оваа мерка е дел од пошироката реструктуирање на „Фолксваген“ во услови на пад на продажбата на електрични возила, високи трошоци за транзиција кон електромобилност и зголемена конкуренција од Кина.

„Политико“: Макрон влегува во период на „патор што куца“! Во 2027 избори за нов претседател на Франција

„Откако ќе заврши борбата за буџетот на францускиот претседател Емануел Макрон, француската политика ќе се префрли во режим на кампања за претседателските избори, велат политичари, вклучувајќи тројца сојузници на Макрон. Неговото славење поради претстојното усвојување на буџетот на Франција за за 2026 година ќе биде краткотрајно. Откако ќе биде одобрен буџетот, тој ќе стане „патор што куца“ до претседателските избори напролет во 2027 година.“ – нагласи угледниот аналитички портал „Политико“ од Брисел во својата статија со наслов „Макрон влегува во периодот на ‘патор што куца“, која ја објави вчера.
Сите вести од Свет

Најнови вести

To top