Началникот на либиската армија и високи функционери загинаа во авионска несреќа во близина на Анкара, јавуваат светските медиуми.
Турските власти велат дека комуникацијата со деловниот авион „Фалкон 50“ на пат кон Триполи, откако пријавил вонредна состојба во близина на централна Турција.
Началникот на либиската армија ја посетил Анкара на разговори со својот турски колега и високи команданти.
Премиерот на Либија, Абдулхамид Дбеибе, ја објави смртта на началникот на Генералштабот на армијата на земјата и неколку високи функционери по трагичната несреќа додека се враќале од официјална посета на Турција.
Во објава на X, Дбеибе објави дека ја примил веста „со длабока тага и жал“, потврдувајќи ја загубата на генерал-потполковник Мохамед ал-Хадад и членовите на неговата делегација.
Меѓу загинатите покрај ал-Хадад се началникот на Генералштабот на копнените сили, началникот на органот за воено производство, советник на началникот на армијата и фотограф од медиумската канцеларија.
Премиерот рече дека инцидентот се случил за време на нивното враќање од турската престолнина Анкара, без да даде дополнителни детали за околностите.
Нарекувајќи го голем губиток за нацијата и вооружените сили, премиерот рече дека Либија изгубила луѓе кои ѝ служеле на својата земја со „искреност, дисциплина и национална посветеност“, изразувајќи сочувство до нивните семејства, колегите во војската и пошироката либиска јавност.
Турскиот министер за внатрешни работи, Али Јерликаја, претходно изјави дека остатоците од приватниот авион што се упатил кон Либија, а го носел началникот на либиската армија, а кој тргнал од Анкара, се пронајдени во округот Хајмана во Анкара.